რამდენიმე დღის წინ საქართველოს საელჩომ ჩინეთის სახალხო რესპუბლიკაში იმ უსაყვარლეს პატარებს უმასპინძლა, რომლებმაც ცოტა ხნის წინ პეკინის ტელევიზიაში ქართული საბავშვო სიმღერა “იაო უაო” შეასრულეს.  ბავშვებმა კიდევ ერთხელ იმღერეს სიმღერა, რომლებმაც სოციალურ ქსელებში ქართველი ხალხის მხრიდან დიდი სიყვარული და მოწონება დაიმსახურა.

ღონისძიების ფარგლებში ქართულმა მხარემ მათ საქართველოს ისტორია და კულტურა გააცნო და მადლობის სიგელები გადასცა.

“BRTV-მ გადაიღო სატელევიზიო გადაცემა საქართველოს შესახებ. ამ გადაცემაში ელჩისთვის სიურპრიზის მოწყობა უნდოდათ, მთხოვეს სიმღერის არჩევა ბავშვთა გუნდისთვის. ავურჩიე ინოლა გურგულიას “აჩუ ცხენო” (“იაო-უაო”), რომელიც ბავშვებმა 2-3 დღეში ისწავლეს. ელჩმა, თავის მხრივ, მადლობის ნიშნად საელჩოში მიიწვია გუნდი. ჩატარდა მოკლე პრეზენტაცია საქართველოს შესახებ, ბავშვებმა კიდევ ერთხელ შეასრულეს სიმღერა და ბოლოს ელჩმა სერტიფიკატებიც გადასცა.” – ღონისძიების ერთ-ერთი ორგანიზატორი თამო ქვლივიძე

„დღეს საელჩოში ვუმასპინძლეთ “იაო უაო” ბავშვებს, რომლებმაც არაჩვეულებრივი სიურპრიზი მოგვიწყვეს ცოტა ხნის წინ პეკინის ტელევიზიაში. გავაცანით მათ საქართველოს ისტორია და კულტურა, ასევე გადავეცით მადლობის სიგელები.“ – საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში არჩილ კალანდია

წყარო 1: არჩილ კალანდია

წყარო 2: ქართველი გოგო ჩინეთში (თამო ქვლივიძე)