ჩინეთში ადრეულ წარსულში არსებობდა გაზაფხულის ფესტივალის წინ მტვრის გადაწმენდის ჩვეულება. მტვრისგან წმენდა წარმოადგენს წლის დამაგვირგვინებელ უმნიშვნელოვანეს ცერემონიას, რომელსაც ჩრდილოეთში საოფანგს （扫房), ანუ სახლის დასუფთავებას, ხოლო სამხრეთში ტანჩენს （掸尘), ანუ მტვრისგან გასუფთავებას უწოდებენ.
ხალხური ადათ-წესების თანახმად, ვინაიდან მტვრის აღმნიშვნელი იეროგლიფი (尘 ჩენ) და ძველის აღმნიშვნელი იეროგლიფი (陈 ჩენ) გამოითქმის მსგავსად, დასუფთავების ტრადიცია გულისხმობს ყველაფერი ცუდისა და ძველის უკან მოტოვებას და სიახლესთან შეგებებას.
ყოველი ახალი წლის დადგომის წინ ოჯახები ასუფთავებენ სახლსა და ეზოს, რეცხავენ ფარდებსა და ჭურჭელს. ამ ყველაფრით ისინი ეგებებიან ახალს და ემშვიდობებიან ძველ წელს.
მხოლოდ და მხოლოდ დასუფთავების შემდეგ ჩინელები იწყებენ სახლის გაფორმებას ჩუანგხუათი (窗花 ფანჯრის გასაფორმებელი ქაღალდი)[1]，ჩუნლიენითა (春联 წითელ ქაღალდზე დაწერილი საახალწლო ტექსტები)[2] და სხვადასხვა ორნამენტით.
ძველ ჩინეთში დალაგებისთვის ასევე იყენებდნენ ადამიანზე მაღალ ცოცხს, რომელსაც ჩალისგან ამზადებდნენ და სახურავზეც კი ასუფთავებდნენ მტვერს, ნაგავს და ობობის ქსელსაც კი. როგორც კი საახალწლო ვახშამი ჩაივლიდა, ამ ცოცხს წვავდნენ, რათა ჭუჭყი და მტვერი ძველი წლისთვის გაეტანებინათ. ამ დღიდან მოყოლებული ასევე ნათესავებსა და მეგობრებს შორის იწყება საჩუქრების გაცვლა, ერთმანეთთან სტუმრობა, აკეთებენ ნიენკაოს (年糕 საახალწლო ტკბილეული)[3]. თუ ოჯახში ახალი გარდაცვლილია, ნიენკაოს გაკეთებისგან თავს იკავებენ, თუმცაღა ნათესავებმა შეიძლება ნიენკაო საჩუქრად მიიტანონ.
[1] ფანჯრის გასაფორმებელი ქაღალდი
[2] წითელ ქაღალდზე დაწერილი საახალწლო ტექსტები
[3] საახალწლო ნამცხვარი/ტკბილეული
, ანუ სახლის დასუფთავებას, ხოლო სამხრეთში ტანჩენს （掸尘), ანუ მტვრისგან გასუფთავებას უწოდებენ.){kind=link}