თავისუფალი უნივერსიტეტის ჩინური ენის მიმართულებაუკვე მრავალი წელია თავისუფალი უნივერსიტეტი ჩინური ენისა და კულტურის სწავლებაში ლიდერობას ინარჩუნებს. აქ არსებული საერთაშორისო ურთიერთობების საბაკალავრო პროგრამა სტუდენტებს 9 ძირითად სპეციალობას (მეიჯორს) სთავაზობს, რომელთა შორისაც თავისუფალი უნივერსიტეტის აზიისა და აფრიკის ინსტიტუტის ჩინური ენის მიმართულებაც გახლავთ (საერთაშორისო ურთიერთობები კონცენტრაციით შორეული აღმოსავლეთი – ჩინური).
თავისუფალი უნივერსიტეტის კონფუცის ინსტიტუტის ჩინური ენის პროგრამა სტუდენტებს ჩინური ენის ნულოვანი დონიდან შესწავლის საშუალებას აძლევს. საქართველოში გამოცემული ქართულენოვანი “ჩინური ენის პრაქტიკული კურსის” სახელმძღვანელოსა და აუდიო მასალის მეშვეობით მათ საშუალება ეძლევათ ძალიან მარტივად, ხარისხიანად და საფუძვლიანად აითვისონ ჩინური ენა.
სწავლების პროცესში ხდება ჩინური ენის დონის საერთაშორისო სერტიფიკატის (HSK და HSKK) გამოცდისთვის მზადება. საერთაშორისო გამოცდაზე გასვლა და სერტიფიკატის მოპოვება კი თავისუფალი უნივერსიტეტის კონფუცის ინსტიტუტშივეა შესაძლებელი.
თავისუფალი უნივერსიტეტის ჩინური ენის მაინორითავისუფალი უნივერსიტეტის სტუდენტებს მეორე კურსიდან ჩინური ენის დამატებით სპეციალობად (მაინორად) არჩევის შესაძლებლობაც აქვთ. ამ შემთხვევაში მათ საშუალება ეძლევათ დაეუფლონ ჩინურ ენას საწყის დონეზე. შეისწავლონ დაახლოებით 500 იეროგლიფი და ჩინური წინადადების წყობა, ისწავლონ ჩინური მარტივ სასაუბრო ენაზე. გარდა ამისა, ისინი აითვისებენ „ფინინს” (ე.წ. ჩინური ენის ლათინურ ტრანსკრიფციას) და შეძლებენ ლექსიკონით სარგებლობას. აუდიო-ვიდეო მასალის დახმარებით კი ჩინურ ტონალურ გამოთქმას დაეუფლებიან. კურსის დასრულების შემდეგ ექნებათ სათანადო საფუძველი იეროგლიფიკაში, გამოთქმის ტონალურ სისტემაში და საბაზისო გრამატიკაში, მზად იქნებიან შემდეგ – საშუალო დონეზე ცოდნის გასაღრმავებლად.
პერსპექტივებითავისუფალი უნივერსიტეტის კონფუცის ინსტიტუტის პროგრამა მოიცავს ჩინური ენის ინტენსიურ კურსს, რომელიც სტუდენტებს ენის წარმატებით შესწავლის და პრაქტიკის ჩინეთში გავლის საშუალებას აძლევს.
ჩინეთში სწავლის გაგრძელების შესაძლებლობა სტუდენტებს სტუდენტობის პერიოდშივე ეძლევათ. მაგალითად, ისეთ პრესტიჟულ კონკურსებში გამარჯვების მეშვეობით, როგორიც სტუდენტური „ჩინური ენის ხიდის” კონკურსი გახლავთ.
გარდა ამისა, ცოდნის დონის გუმჯობესების მიზნით თავისუფალი უნივერსიტეტის ჩინური ენის მიმართულების მრავალი კურსდამთავრებული გადის სტაჟირებას ჩინეთის წამყვან უნივერსიტეტებში ენის შემსწავლელ პროგრამაზე.
თავისუფალი უნივერსიტეტის ჩინური მიმართულების სტუდენტების მაღალ აკადემიურ მოსწრებაზე მოწმობს ის ფაქტი, რომ არაერთმა ჩინური მიმართულების სტუდენტმა მოიპოვა ჩინეთის ხელისუფლების მიერ გამოყოფილი ჩინეთის სახელისუფლებო სტიპენდია (სრული დაფინანსებით).
რაც შეეხება დასაქმებას, თავისუფალი უნივერსიტეტის ჩინური ენის მიმართულების სტუდენტებისა და კურსდამთავრებულების უმრავლესობას შესაძლებლობა აქვს წარმატებულად დასაქმდეს, როგორც კერძო, ისე სახელმწიფო სტრუქტურებში (საქართველოში ჩინეთის და ჩინეთში საქართველოს საელჩოებში, წამყვან უნივერსიტეტებში, საერთაშორისო ორგანიზაციებში და ა.შ), რაც კიდევ ერთხელ მეტყველებს ჩინური მიმართულების ხარისხიან სწავლებაზე თავისუფალ უნივერსიტეტში და ჩინური ენის სწავლის პერსპექტივაზე.
წყარო:
