[:ka]
2 მარტს, საქართველოს პარლამენტის თბილისის სასახლის, პირველი რესპუბლიკის სახელობის დარბაზში, ეთნიკური უმცირესობების, მაღალმთიან რეგიონებში მცხოვრები და სპეციალური საგანმანათლებლო საჭიროების მქონე მოსწავლეებისთვის სწავლების ინოვაციური მეთოდების პრეზენტაცია გაიმართა. პროექტი მოიცავს ეთნიკური უმცირესობის წარმომადგენლისთვის როგორც ქართული ენის, ასევე, ტექნიკური საგნების სწავლების პროგრამას.
საზოგადოების წინაშე მისასალმებელი სიტყვით წარსდგნენ: ბესიკ ქარცივაძე, ა(ა)იპ “რეგიონების კულტურულ-საგანმანათლებლო და ბიზნეს განვითარების ასოციაციის” პრეზიდენტი, სოფიო კილაძე, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავჯდომარე და მარიამ ჯაში, საქართველოს პარლამენტის განათლების, მეცნიერებისა და კულტურის კომიტეტის თავჯდომარე. ღონისძიება მისასალმებელი სიტყვით გახსნა ბესიკ ქარცივაძემ.
„პროექტი მოიცავს ეთნიკური უმცირესობის წარმომადგენლისთვის როგორც ქართული ენის, ასევე, ტექნიკური საგნების სწავლების პროგრამას. ეს იქნება ინოვაციური პროექტი, რომელსაც სწავლების მეთოდიკით დღეს ანალოგი არ აქვს. ჩვენ ინოვაციური სწავლების ცენტრებს ყველა რეგიონში ვხსნით. 1 კვირაში დავიწყებთ ამ ცენტრების ამუშავებას. პროგრამა შევა მრავალშვილიან ოჯახებში, სოციალურად დაუცველთა ოჯახებში, შეზღუდული შესაძლებლობების მქონე საზოგადოებაში“, – განაცხადა ბესიკ ქარცივაძემ.
ღონისძიებაზე მყოფ საზოგადოებას ტექნიკურ მეცნიერებათა დოქტორმა, სრულმა პროფესორმა, ვირტუალური მოდელირებისა და კონსტრუირების ცენტრის ხელმძღვანელმა, დავით სონღულაშვილმა ქართული ენის შესასწავლი პროგრამის სხვადასხვა დონე გააცნო.
აღნიშნული პრეზენტაცია პროექტ “თანადგომის” ფარგლებში გაიმართა, რომლის პარტნიორებიც არიან:
– საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი
– ა(ა)იპ “რეგიონების კულტურულ-საგანმანათლებლო და ბიზნეს განვითარების ასოციაცია”
– საქართველოს ტექნიკური უნივერსიტეტის, ვირტუალური მოდელირებისა და კონსტრუირების ცენტრი
– ა(ა)იპ “უნიკა ჯგუფი”
– შპს “საერთაშორისო ურთიერთობის ცენტრი”
– აიპ “საქართველოს აქტიურ აზერბაიჯანელ ქალთა ასოციაცია”
– აიპ “განათლების ხარისხის განვითარებისა და მომსახურების ალტერნატიული ცენტრი”
– აიპ “უფლება და თავისუფლება XXI”
[:]
