[:ka]შემოდგომის ფესტივალის 6 პოპულარული კერძი[:]

[:ka]

ჩინეთში შემოდგომის ფესტივალისთვის განკუთვნილი კერძი ასოცირდება სეზონურ მოსავალთან, როგორიც არის გოგრა, ტარო, კიბორჩხალები და სხვა სადღესასწაულო ნუგბარი, მაგალითად, მთვარის ნამცხვარი.

ჩინელ ხალხს სწამს, რომ სეზონური კერძი ყველაზე გემრიელი და ჯანსაღია, ამიტომაც შემოდგომის ფესტივალზე დელიკატესებს უპირატესობა ენიჭება. მრგვალი ფორმის კერძი ერთიანობასა და მთლიანობას აღნიშნავს. მთვარის ნამცხვარიც სიმბოლურია და, ჩვეულებრივ, კეთილი სურვილებსა და სიხარულს აღნიშნავს.

1. მთვარის ნაცხვარი

მთვარის ნამცხვარი  შემოდგომის ფესტივალის ყველაზე პოპულარული და ერთ-ერთი აუცილებელი ტკბილეულია. დღესასწაულის დროს ნამცხვარს ყველა მაღაზიის დახლზე შეხვდებით. ტრადიციულად ტკბილეულს თხელი ცომისა და ტკბილი მაგარი შიგთავსისაგან ამზადებენ, თუმცა მისი მრავალგვარი სახეობა არსებობს. ტრადიციისამებრ წარსულში მთვარის ნამცხვარს თითქმის ყველა ოჯახში ამზადებდნენ. დღეს ეს ჩვეულება თითქმის მივიწყებულია.

იხვი შემოდგომის ფესტივალის მეორე უმთავრესი კერძია. ჩინელი ხალხი მიიჩნევს, რომ შემოდგომის პერიოდში იხვის ჭამა სხეულს ტემპერატურის ბალანსში ეხმარება და ზამთრისთვის ამზადებს. ჩინეთის სხვადასხვა რეგიონში იხვს სხვადასხვანაირად ამზადებენ. ყველაზე პოპულარული კი შემწვარი იხვია ჯინჯერით. თუმცა ამ კერძთან ერთად რეგიონში განსხვავებულ ტრადიციულ კერძებს ამზადებენ.

ვინაიდან გოგრის სეზონი შემოდგომაზე დგება, ამ ფესტივალის მენიუში მასაც საპატიო ადგილი უჭირავს. შემოდგომის ფესტივალის ღამეს გოგრის ჭამა ჯანმრთელობის და სიკეთის მომტანად არის მიჩნეული.

4. მდინარის ლოკოკინები

მდინარის ლოკოკინები შემოდგომის დღესასწაულის შეუცვლელი კერძია. გოგრის მსგავსად შემოდგომა ლოკოკინების ჭამისთვისაც საუკეთესო პერიოდია. გარდა ამისა, მათ სამკურნალო თვისება გააჩნიათ. მდინარის ლოკოკინებს, ძირითადად, სამკურნალო მცენარეებთან ერთად ამზადებენ, რაც  უსიამოვნო სუნს უკარგავს.

ტარო შემოდგომის ფესტივალის კიდევ ერთი საყვარელი ტკბილეულია. მას ძალიან ფაფუკი ტექსტურა აქვს. მისი სხვადასხვა სახეობა არსებობს, რომელთაგან ყველაზე პოპულარულია კარგად შემწვარი ტკბილი ტარო. ის თითქმის ყველა ტკბილეულის მოყვარულს უყვარს. მიიჩნევა, რომ მის ჭამას კარგი იღბალი და ჯანმრთელობა მოაქვს. ტაროს მომზადების ტრადიცია ცინგის (1644 – 1912) დინასტიიდან მოდის.

6. ორთქლზე მომზადებული კიბორჩხალები

ბოლო პერიოდში დღესასწაულის დროს კიბორჩხალების ჭამა ძალზედ პოპულარული გახდა. სექტემბერსა და ოქტომბერში კიბორჩხალები გემრიელია და სავსეა ვიტამინებით, ამიტომაც მათი ჭამა დღესასწაულის პერიოდში სასარგებლოა.

[:]