არტისტი შუ იონგი ქმნის ნამუშევრებს სარტყელისა და გზის ინიციატივის პოპულარიზაციისთვის. მისი ერთ-ერთი ცნობილი ინსტალაცია, „კუკეს აგურები“, შედგება გამჭვირვალე კუბიკებისგან, რომელზეც 1500-ზე მეტი პოპულარული ჩინური ფრაზა წერია. ფრაზები თარგმნილია Google-ის მიერ. ნამუშევრის მიზანია, ხაზი გაუსვას თარგმანით გამოწვეულ კულტურულ განსხვავებებსა და გაუგებრობას. მოგვიანებით შუმ შექმნა „ოქროს ხიდი“ აბრეშუმის გზაზე. ეს მასიური ხიდია, რომელიც დამზადებულია ქარვის დაახლოებით 20000 აგურისგან და იწონის 100 ტონას. ხიდი წარმოადგენს შუს სურვილს, დააკავშიროს აღმოსავლეთი და დასავლეთი.

შუს სურს, ოქროს ხიდი ახალი ეპოქის ჩინეთის კულტურულ სიმბოლოდ იქცეს. შუ მუშაობს ეროვნული კულტურული სიმბოლოების მქონე ნამუშევრების სერიაზე, რომელიც სარტყელისა და გზის ინიციატივაზე ფოკუსირდება. მისი ეს პროექტი საერთო მომავლის საზოგადოების შენების იდეას ავრცელებს. არტისტი თვლის, რომ რადგან ჩინეთი მნიშვნელოვან როლს იკავებს მსოფლიო ასპარეზზე, უნდა განავითაროს გლობალურად ცნობადი კულტურული სიმბოლოები. მან ჩაატარა გამოკითხვები, რითაც დადგინდა, რომ დასავლეთის ქვეყნებში ჩინური სიმბოლოების შესახებ ინფორმაციის ნაკლებობის პრობლემა არსებობს. ამან განმატკიცა შუს რწმენა კულტურული სიმბოლოების მნიშვნელობის შესახებ.

„ოქროს ხიდი“ გამოიფინა სარტყელისა და გზის ინიციატივასთან დაკავშირებულ სხვადასხვა ღონისძიებაზე. მალევე ელჩებმა და სხვა ცნობილმა პირებმა ქარვის აგურებზე ხელის მოწერა დაიწყეს. შუ ამას ინიციატივის თანამშრომლობითი ხასიათის დემონსტრაციად აღიქვამს. შუს ერთგულება ხელოვნებისადმი აშკარაა მის მხატვრულ პრაქტიკაში. იგი ყოველდღე ქმნის ნახატებს და ხშირად შთაგონებას იღებს მიმდინარე მოვლენებიდან.

შუს სამომავლო გეგმები მოიცავს ქარვის ხიდების მშენებლობას აბრეშუმის გზის ეკონომიკური სარტყლისა და 21-ე საუკუნის აბრეშუმის საზღვაო გზის გასწვრივ, ადგილობრივი ხიდებით შთაგონებული დიზაინის გამოყენებით. ეს გრძელვადიანი პროექტია და იგი მზად არის იმუშაოს სიცოცხლის ბოლომდე. შუს ნამუშევრებს აფასებენ ჩინეთის პოლიტიკური, ეკონომიკური, სოციალური და მედია ლანდშაფტის ელემენტების გამოხატულებად.

შუ თვლის, რომ ხელოვნებამ უნდა ითამაშოს როლი საზოგადოების გაუმჯობესებაში. მისი აზრით, ეროვნული კულტურული სიმბოლოების ჩამოყალიბებისთვის აუცილებელია თაობების უწყვეტი ძალისხმევა. თავისი ხელოვნების მეშვეობით შუ მიზნად ისახავს ხელი შეუწყოს ურთიერთგაგებას, კულტურული განხსვავებებით გამოწვეული პრობლემების მოგვარებასა და სარტყელი და გზის ინიციატივის პოპულარიზაციას.