2023 წლის 1 აგვისტოს, ჩინეთის საელჩომ საქართველოში ჩინეთის სახალხო განმათავისუფლებელი არმიის დაარსებიდან 96 წლის იუბილეს აღსანიშნავად მიღება გამართა. შეხვედრას 260-მდე ადამიანი დაესწრო, მათ შორის საქართველოს პარლამენტის თავმჯდომარის პირველი მოადგილე გიორგი ვოლსკი, თავდაცვის სამინისტროს მინისტრის პირველი მოადგილე ლელა ჩიქოვანი და სხვა მაღალი რანგის სამხედრო და პოლიტიკური პირები, ასევე ელჩები, დიპლომატები და სამხედრო ატაშეები მრავალი ქვეყნიდან, ჩინეთის მიერ დაფინანსებული ინსტიტუტების წარმომადგენლები, სინოლოგები და ჩინური ენის ლექტორები.
ღონისძიებაზე სიტყვით გამოვიდა ჩინეთის საელჩოს სამხედრო ატაშე საქართველოში, პოლკოვნიკი სუ ჟუ. ატაშემ თავის გამოსვლაში თქვა, რომ ჩინეთის სახალხო განმათავისუფლებელი არმიის დაარსებიდან 96 წლის განმავლობაში, ჩინეთის კომუნისტური პარტიის ხელმძღვანელობით, დიდი ნაბიჯები გადაიდგა განვითარებისთვის და ეროვნული თავდაცვისთვის, ასევე სუვერენიტეტის უზრუნველყოფისა და უსაფრთხოებისთვის. ჩინეთის არმია არის ძალა მსოფლიო მშვიდობისა და სტაბილურობის შესანარჩუნებლად. ის ყოველთვის აქტიურად მონაწილეობდა გაეროს სამშვიდობო მისიებში, საზღვაო ესკორტირებაში, სამაშველო და სხვა ოპერაციებში და აქტიურად უწყობს ხელს კაცობრიობის საერთო მომავლის მქონე საზოგადოების შექმნას. პოლკოვნიკმა ხაზგასმით აღნიშნა, რომ ჩინეთი დიდ მნიშვნელობას ანიჭებს ორ სახელმწიფოს შორის ურთიერთობას და მზად არის გააგრძელოს ძალისხმევა მდგრადი განვითარების ხელშესაწყობად.
მიღება თბილ და მეგობრულ ატმოსფეროში წარიმართა. სტუმრებმა მიულოცეს ჩინეთს ბოლო წლების მიღწევები ეროვნული თავდაცვისა და სამხედრო განვითარების საკითხებში. დამსწრეებმა უყურეს მხატვრულ ფილმს „მე ვარ“, რომელშიც ნაჩვენებია ჩინეთის სამხედროების მიერ გლობალური უსაფრთხოების ინიციატივის განხორციელება. სტუმრებს ასევე დაურიგდათ სასაჩუქრე წიგნები.
