ჩუნგცინგში, სიჩუანის სახვითი ხელოვნების ინსტიტუტის მიერ ორგანიზებულ სკულპტორთა რიგით მე-10 დაჯილდოებაზე, ყოველწლიური ღონისძიების გამარჯვებულები გამოვლინდნენ.
სჩუანის სახვითი ხელოვნების ინსტიტუტმა, რომელიც ჩინეთში წამყვანი ხელოვნების კოლეჯი გახლავთ, ახალგაზრდა ხელოვნების წახალისებისა და მათი შემოქმედებითი აზროვნების კიდევ უფრო განვითარების მიზნით, 2013 წელს სკულპტურული ჯილდო Wuliangye Tomorrow დააწესა.
გასული ივლისიდან ღონისძიებამ 700 ნამუშევარი მიიღო მთელი მსოფლიოდან, მათ შორის შეერთებული შტატებიდან, გაერთიანებული სამეფოდან და გერმანიიდან.
ჟიურის თქმით, გამოფენილმა ნამუშევრებმა ახალგაზრდა მხატვრების ფოკუსირება, მათი ინდივიდუალური გამოცდილება და ემოციები აჩვენა, ასევე წარმოაჩინა მათი საზოგადოებაზე დაკვირვებულობის უნარი და ძალისხმევა ქანდაკების დეფინიციის გაფართოების კუთხით. გამარჯვებულები შეირჩნენ მხატვრული უნარების, კრეატიულობისა და ორიგინალურობის მიხედვით. გამარჯვებულთა შორის ვანგ ხაომ მოიპოვა უმაღლესი ჯილდო სკულპტურული ნამუშევრებისთვის. მისი ქმნილებები არამხოლოდ ესთეტიურობით, არამედ ინოვაციურობითაც გამოირჩეოდა. სხვა ცნობილი ხელოვანები, რომლებმაც აღიარება მოიპოვეს დაჯილდოების ცერემონიაზე, არიან ჩენ იუჩენი, დენგ კუნი, ლუ ჭენგიუანი და თენგ ძიაცი. ამ არტისტებს ქანდაკების სფეროში შეტანილი უნიკალური წვლილისთვის მიენიჭათ „წლის არტისტების“ წოდება.
სიჩუანის სახვითი ხელოვნების ინსტიტუტი ერთ-ერთი წამყვანი სამხატვრო კოლეჯია ჩინეთში. ამ ჯილდოს დაწესებამ ხელი შეუწყო ახალგაზრდა ნიჭის მოზიდვას მთელი მსოფლიოდან. ჯილდო არის პლატფორმა ახალგაზრდა ხელოვანებისთვის, რათა უკედ წარმოაჩინონ თავიანთი უნარები და შემოქმედება, მოიპოვონ აღიარება და მიიღონ მენტორობა ცნობილი ხელოვანებისგან.ზ
ყოველწლიური გამოფენა, რომელშიც წარმოდგენილია ნომინირებული მხატვრების ნამუშევრები, მასშტაბური მოვლენაა ხელოვნების სამყაროში. ის უნიკალურ შესაძლებლობას აძლევს ხელოვნების მოყვარულებს და კოლექციონერებს ნახონ და დააფასონ ნიჭიერი მოქანდაკეების ნამუშევრები მთელი მსოფლიოდან.
გამოფენა სჩუანის სახვითი ხელოვნების ინსტიტუტის ხელოვნების მუზეუმში 24 მარტს ფართო საზოგადოებისთვის გაიხსნა და 15 აპრილამდე გაგრძელდება.
