[:ka]
20 დეკემბერს გამართულ ჩინეთის წლიურ ცენტრალურ-ეკონომიკურ კონფერენციაზე ჩინეთის პრეზიდენტმა სი ძინფინგმა ახალი ეკონომიკური დოქტრინა წარადგინა. “სი ძინფინგისეული მოსაზრება სოციალისტურ ეკონომიკაზე ახალ ეპოქაში” უკვე გამოიყენება ახალი ეკონომიკური გადაწყვეტილებების მისაღებად. ქვეყანა აგრძელებს გონივრული და ნეიტრალური მონეტარული პოლიტიკის შემუშავებას.
შეხვედრისას, ქვეყნის სხვა ლიდერების წინაშე წარსდგა პრეზიდენტი სი ძინფინგი. სიტყვით გამოსვლისას, მან სამომავლო გეგმებზე ისაუბრა და აღნიშნა, რომ მიწოდება მომავალში ხელს შეუწყობს სტრუქტურულ რეფორმას, რაც გამოიწვევს ეკონომიკური ხარისხის გაუმჯობესებასა და ინოვაციების პოპულარიზაციას.
ქვეყანა სწრაფად ვითარდება უძრავი ქონების მიმართულებით. 2018 წლისთვის, მრავალჯერადი არხები მოახდენს საბინაო მხარდაჭერის უზრუნველყოფას და ხელს შეუწყობს საბაზისო შეძენასა და გაქირავებას. ასევე, დაბალანსებული ვაჭრობის ხელშეწყობის მიზნით გაიზრდება იმპორტი და შემცირდება ზოგიერთი პროდუქციის იმპორტის ტარიფი.
მომდევნო სამი წლის განმავლობაში ძირითადი აქცენტი გაკეთდება დაბინძურების პრევენციაზე.
ჩინეთში ამჟამად მსოფლიოში ყველაზე დიდი საშუალო შემოსავლის მქონე მოსახლეობა ცხოვრობს. ქვეყანამ მნიშვნელოვანი ეკონომიკური მიღწევები ჩინეთის კომუნისტური პარტიის მე -18 კონგრესის შემდეგ განიცადა.
2017 წლის ჩინეთის წლიური ცენტრალურ-ეკონომიკური კონფერენცია ოფიციალურად 18 დეკემბერს გაიხსნა და 20 დეკემბერს დასრულდა.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.