თებერვალი21 , 2024
ბიზნესითბილისში სამხრეთ კავკასიაში ყველაზე დიდი სავაჭრო ცენტრი - „ჰუალინგ...

[:ka]თბილისში სამხრეთ კავკასიაში ყველაზე დიდი სავაჭრო ცენტრი – „ჰუალინგ თბილისის ზღვის პლაზა“ გაიხსნა[:]

-

- Advertisment -spot_img

[:ka]

თბილისში სამხრეთ კავკასიაში ყველაზე დიდი სავაჭრო ცენტრი – „ჰუალინგ თბილისის ზღვის პლაზა“ გაიხსნა, – ცერემონიაში მონაწილეობა ჩინეთის სახალხო რესპუბლიკის საგანგებო და სრულუფლებიანმა ელჩმა საქართველოში, ძი იენჩიმ და საქართველოს პრემიერ-მინისტრმა გიორგი კვირიკაშვილმა მიიღო.
სავაჭრო ცენტრი, რომლის მშენებლობაში 150 მილიონი დოლარის ინვესტიცია განხორციელდა, 400-მდე მაღაზიას მოიცავს. კვირიკაშვილმა პროექტის წარმატებით განხორციელებისთვის მადლობა გადაუხადა “ჰუალინგ ჯგუფს”, ასევე – ჯგუფის დამფუძნებელ მი ენხუას. პრემიერის შეფასებით, განსაკუთრებით მისასალმებელია, რომ ბოლო წლების განმავლობაში პირდაპირი ინვესტიციები ჩინეთიდან საქართველოში მნიშვნელოვნად გაიზარდა. “ჩინეთი ჩვენი ქვეყნის ეკონომიკის ერთ-ერთ უმსხვილეს ინვესტორ ქვეყანას წარმოადგენს. ჩვენ გვინდა და მზად ვართ, ავითვისოთ ჩინეთთან ორმხრივი ურთიერთობების სრული პოტენციალი.
იქიდან გამომდინარე, რომ ჩვენს ქვეყნებს შორის ეკონომიკური ურთიერთობების გაღრმავება საქართველოს მთავრობის ერთ-ერთი უმნიშვნელოვანესი პრიორიტეტია, განსაკუთრებით მივესალმებით იმას, რომ უკანასკნელ თვეებში ჩინეთთან თავისუფალი ვაჭრობის შესახებ შეთანხმება გაფორმდა, რაც, ვფიქრობთ, ნამდვილად ისტორიული ხელშეკრულებაა”, – განაცხადა გიორგი კვირიკაშვილმა და აღნიშნა, რომ საქართველო რეგიონში პირველი ქვეყანაა, რომელმაც ჩინეთთან ასეთი ხელშეკრულება გააფორმა.
“დღევანდელი დღე ჩინეთ-საქართველოს აქტიური თანამშრომლობის ნაყოფიერი შედეგია, ეს ღირსშესანიშნავი ღონისძიებაა, წელს საქართველო-ჩინეთის დიპლომატიური ურთიერთობების 25-ე წლისთავსა და ჩინეთის სახალხო რესპუბლიკის დაარსების 68-ე წლისთავს აღვნიშნავთ. პლაზა სასიამოვნო საჩუქარია თბილისელებისთვის, ამიტომ მსურს მადლობა გადავუხადო “ჰუალინგ ჯგუფს” გაწეული შრომისათვის. მადლობას ვუხდი საქართველოს მთავრობას ორ ქვეყანას შორის საქმიანი თანამშრომლობის მხარდაჭერისთვის.” განაცხადა ჩინეთის სახალხო რესპუბლიკის ელჩმა, ძი იენჩიმ.
მან ასევე ისაუბრა და ხაზი გაუსვა ბოლო წლებში ჩინეთისა და საქართველოს თანამშრომლობის ნაყოფიერებას, აღნიშნა, რომ ჩინეთის მთავრობა მხრს უჭერს თანამშრომლობის კიდევ უფრო გაღმავებას, ეკონომიკის, ტექნოლოგიების, ინვესტიციების და წარმოების მიმართულებით. “მივესალმები საქართველოს მონაწილეობას “სარტყელი და გზა” მშენებლობის პროცესში, მზად ვართ ერთობლივი მსჯელობის, მშენებლობის, სარგებლის პრინციპის საფუძველზე, ერთად  გავჭრათ ევრაზიის დამაკავშირებელი დერეფანი.”დასძინა მან.
ღონისძიებას საქართველოს ეკონომიკისა და მდგრადი განვითარების მინისტრი გიორგი გახარია, თბილისის მერი და საკრებულოს თავმჯდომარე, ჩინეთის სახალხო რესპუბლიკის საგანგებო და სრულუფლებიანი ელჩი საქართველოში, ძი იენჩი და “ჰუალინგ ჯგუფის” პირველი მდივანი და გენერალური დირექტორი კუო სიენ იანგი დაესწრნენ.

 [:]

უახლესი სტატიები

ჩინეთის მთავრობის სტიპენდიები 2024

დაიწყო განაცხადების მიღება სასტიპენდიო პროგრამისთვის ჩინეთის სახალხო რესპუბლიკაში (2024-2025). პროგრამა ითვალისწინებს უმაღლესი განათლების საბაკალავრო, სამაგისტრო და სადოქტორო საფეხურებზე, ასევე მეცნიერ-...

ჩინური კულტურის დრაკონი

 დასავლური კულტურისგან განსხვავებით, ჩინურ კულტურაში დრაკონი მითიურ, სასიხარულო და უზენაეს არსებად ითვლება. ჩინურ მითოლოგიაში დრაკონებს უზღვავი ძალა და ენერგია...

ჩინეთის საელჩომ ჩინეთ-საქართველოს მეგობრობის საახალწლო მიღებას უმასპინძლა

ჩინეთის საელჩომ საქართველოში 20 დეკემბერს ჩინეთსა და საქართველოს შორის მჭიდრო კავშირების აღსანიშნავად საახალწლო მიღებას უმასპინძლა. ღონისძიებას 300-ზე მეტი სტუმარი...

ჩინეთის ეკონომიკური ზრდის პროგნოზები 2023 წლისთვის

საერთაშორისო სავალუტო ფონდმა (IMF) შეცვალა ჩინეთის ეკონომიკური ზრდის პროგნოზი 2023 წლისთვის. ოქტომბერში ეს მონაცემი 5 პროცენტი იყო, ნოემბერში კი...

„შუა დერეფანი“ ყურადღების ცენტრში

26-27 ოქტომბერს, თბილისში “აბრეშუმის გზის ფორუმი” მიმდინარეობს. ფორუმის ფარგლებში იმართება ათი თემატური პანელური სესია და პარალელური დისკუსიები საკვანძო სავაჭრო-ეკონომიკურ...

“თბილისის აბრეშუმის გზის ფორუმი” გაიხსნა

26 ოქტომბერს თბილისში “თბილისის აბრეშუმის გზის ფორუმი” გაიხსნა. გახსნის ცერემონია თბილისი ოპერისა და ბალეტის სახელმწიფო თეატრში მიმდინარეობს. ფორუმის გახსნით პანელში...

წაიკითხეთ მსგავსი
რეკომენდირებული სტატიები