თავისუფალი უნივერსიტეტის კონფუცის ინსტიტუტი სკოლის მოსწავლეებისათვის აცხადებს რიგით მე-8 ოლიმპიადას ქართულ ენაზე “რა ვიცით ჩინეთის შესახებ?” გაზაფხულის ფესტივალისა და ფარნების დღესასწაულის თემატიკაზე.
კონკურსში მონაწილეობა შეუძლიათ VII და უფროსი კლასის მოსწავლეებს. მონაწილეობის მსურველებს შეუძლიათ გაეცნონ თავისუფალი უნივერსიტეტის ჩინური ენის მიმართულების სტუდენტების მიერ მომზადებულ ინფორმაციას გაზაფხულის ფესტივალის შესახებ. მასალა განთავსებულია ჩვენ ვებგვერდზე.
ოლიმპიადა ჩატარდება ონლაინ ფორმატში სამ ეტაპად, პირველი ეტაპი ითვალისწინებს მომზადებული მასალის მიხედვით კითხვებზე წერილობითი ფორმით ვრცლად პასუხის გაცემას, მეორე ეტაპი იქნება დახურული კითხვებზე მოკლე დროში პასუხის გაცემა, ხოლო ოლიმპიადის მესამე ეტაპზე კონკურსანტები ზეპირი ფორმით ისაუბრებენ ვრცლად ერთ-ერთ თემაზე.
გამარჯვებულები დაჯილდოვდებიან სხვადასხვა საჩუქრებით, პლანშეტებით, ყურსასმენებითა და ა.შ. ყველა მონაწილეს გადაეცემა ორენოვანი სერტიფიკატი და საჩუქარი.
ოლიმპიადის დრო: 21 თებერვალი 17:00
თემატიკა: გაზაფხულის ფესტივალი და ფარნების დღესასწაული
რეგისტრაციისთვის გადადით ბმულზე: https://forms.gle/e7XkBhMuig6TuLAb6