[:ka]
ტრადიციულ ჩინურ კულტურაში ზამთარი ეს ის პერიოდია, როდესაც უნდა “დავიმალოთ’ და მოვემზადოთ ახალი განვითარებისა და წინსვლისათვის. ზამთრის პერიოდი საუკეთესო დროა ახალი იდეების, ცოდნისა და გამოცდილების მისაღებად.
ახლახანს გამოიცა სამი ახალი წიგნი, რომელიც იმდენად საინტერესოა, რომ ზამთრის ცივი დღეების თბილად გატარებასა და ცოდნის დაგროვებაში დაგვეხმარება.
“ოთხი სეზონი ნელა გადის”
წიგნი, “ოთხი სეზონი ნელა გადის” ოქტომბერში გამოიცა. წიგნში აღრიცხულია ყველა ის მცენარე, რომელიც ჩრდილოეთ ჩინეთში იზრდება. წიგნი ეკუთვნის პოსტ-80-იანელ მწერალს ნიენ კაოს. ბუნებისადმი დიდი ინტერესით და სიყვარულით მან წიგნის ილუსტრაციები თავად შექმნა. მან 100-ზე მეტი მცენარე დახატა და მკითხველის დიდი ინტერესიც დაიმსახურა.
ფერადი ილუსტრაციებით გაფორმებული წიგნი საუკეთესოა მათთვის ვისაც ბუნება უყვარს, განსაკუთრებით კი მცენარეები იზიდავს.
“საბავშვო პოემები”
მიუხედავად იმისა, რომ 21-ე საუკუნე ტექნოლოგიების საუკუნეა, წიგნებს მაინც არ დაუკარგავთ თავისი მნიშვნელობა. ნამდვილი ლექსები, პოემები, მოთხრობები უნდა შეიქმნას ნამდვილი გრძნობებისგან, სითბოსა და სიყვარულისგან. განსაკუთრებული სიფრთხილეა საჭირო თუ ეს ნაწარმოებები იქმნება ბავშვებისთვის.
წიგნი, რომელიც ახლახანს გამოიცა დაწერილია 3-დან 12 წლამდე ბავშვების მიერ. წიგნში ასევე თავმოყრილია მწერალ კუ ჩენგის ახალგაზრდობის პერიოდში შექმნილი პოემები.
“გამოკიდებულნი ველურ ბუნებაში”
ფერადი ნახატებით გაფორმებული ეს წიგნი უჩვეულო ადამინებზე მოგვითხრობს. ადამიანებზე, რომლებიც მწერებივით პაწაწინა არსებები არიან, ცათამბჯენების მსგავს უზარმაზარ მცენარეთა გარემოში.
არქიტექტორის მსგავსად, წიგნის ავტორი იუ შანი ხშირად შუამავლობს თანამედროვე ადამიანებსა და არქიტექტორებს შორის. მას სურს განიხილოს პოეტური სამყარო, როგორც მოსასვენებელი ადგილი ამ ქაოსურ სამყაროში.
ილუსტრაციები, რომლებიც გამოყენებულია წიგნში ტრადიციულ, ჩინურ მელნით ფერწერას ეკუთვნის.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.