[:ka]
სასახლის მუზეუმის ფილიალის მშენებლობა პეკინის ჩრდილო-დასავლეთით ოფიციალურად დაიწყო.
სასახლის მუზეუმის დირექტორის შან ძისიანგის განცხადებით სასახლის მუზეუმის პეკინის ფილიალი 62 ჰექტარზე განთავსდება, სადაც 35 000 კვადრატულ მეტრი დაეთმობა საგამოფენო სივრცეს, ხოლო 20 000 კვ.მ. კულტურულ სიწმინდეთა საცავს. მისივე თქმით, აღნიშნული პროექტის მშენებლობა 2022 წელს დასრულდება.
ახალი ფილიალის შექმნა განაპირობა იმ ფაქტმა, რომ სასახლის მუზეუმის ძველი შენობები აღარ არის ხელსაყრელი ფართომასშტაბიანი გამოფენებისთვის. “ახალი, თანამედროვე და უსაფრთხო საგამოფენო სივრცის გარდა აქ იქნება სასახლის მუზეუმის საიმპერატორო მცენარეების შემსწავლელი ცენტრი”- განაცხადა შანმა. ასევე ეს იქნება ადგილი, რომელიც შეინახავს და მომავალ თაობებს გადასცემს უძველეს არქიტექტურულ სტილსა და ხელოვნებას.
კომპლექსის არქიტექტურული დიზაინი ეკუთვნის არქიტექტორ ჭანგ იუს პეკინის არქიტექტურული დიზაინის ინსტიტუტიდან. წითელი და ყვითელი ფერი ის ძირითადი ტონალობებია, რომელსაც გამოიყენებენ ნაგებობათა მშენებლობისას. აქვე უნდა აღინიშნოს, რომ “აკრზალული ქალაქის” არქიტექტურაშიც სწორედ ეს ორი ფერი დომინირებს.
კომპლექსის მშენებლობის პროცესში დაგეგმილია მეტროს მშენებლობაც, რომელიც წლიურად სავარაუდოდ 3 მილიონ მნახველს მოემსახურება.
[:]
