[:ka]
Airbnb Inc – ამერიკაში დაარსებული კომპანიაა, რომელიც მომხმარებლისთვის ინტერნეტის მეშვეობით ბინის დაჯავშნის ან პირიქით, გაქირავების სერვისს უზრუნველყოფს. აღნიშნული კომპანია ჩინეთში ადგილობრივი მოსახლეობის დასაქმებასა და მთავრობასთან მჭიდრო თანამშრომლობას აპირებს, რათა ქვეყნის სწრაფად მზარდი ტურისტული ბაზარი უფრო მეტად განავითაროს.
კრის ლეჰანიმ, Airbnb – ს საზოგადოებასთან ურთიერთობის მენეჯერმა განაცხადა, რომ ჩინეთი Airbnb – ისთვის ერთ-ერთი უმნიშვნელოვანესი ბაზარია და კომპანია განაგრძობს ქვეყნის ბაზრის განვითარებას, ასევე სერვისებისა და პროდუქტის გაუმჯობესებას, ჩინელი მომხმარებლებისთვის.
“ამჟამად Airbnb ჩინელ მომხმარებელს 120 000 – მდე აქტიურ განცხადებას სთავაზობს. აღსანიშნავია, რომ 2.5 მილიონი ტურისტი მოგზაურობს ჩინეთში, რაც წლიურად 287% – იანი ზრდაა.”
მომავალ წელს, Airbnb ჩინეთში ინვესტიციების გაორმაგებას გეგმავს, რაც ადგილობრივ მუშახელზე მოთხოვნას სამჯერ გაზრდის, გაგრძელდება ადგილობრივი ინჟინრების დაქირავება და ჩინეთის მთავრობასთან თანამშრომლობის განმტკიცება.
ლეჰანის განცხადებით, Airbnb ჩინეთის მთავრობის საზიარო ეკონომიკის მიმართ პოზიტიურ დამოკიდებულებას მხარს უჭერს და ანალოგიურად პასუხობს.
ამჟამად Airbnb – ს კომპანია თანამშრომლობს: შანხაიში – ფუთუნგის რაიონში, შენჭენში, ჩუნგცინგში, კუანჭოუსა და ჩენგტუში. სასწავლო პროგრამების, ინოვაციებისა და მეწარმეობის წახალისების გზით, Airbnb ჩამოთვლილ რეგიონებს სარგებლის მიღებაში, საზიარო ეკონომიკის ადგილობრივი ტურიზმის განვითარებითა და კულტურული კომუნკაციის საშუალებით ეხმარება.
მარტში კომპანიამ დაანონსა, რომ ახალ ჩინურ სახელს მიიღებს “Aibiying”, რაც “მივესალმოთ ერთმანეთს სიყვარულით” ნიშნავს. იგი აერთიანებს ჩინეთის გადახდის მეთოდებს, მათ შორის Alipay – ისა და თავის მომხმარებელს WeChat – ის საშუალებით პლატფორმაზე წვდომას სთავაზობს.
2008 წლის შემდეგ, Airbnb – ზე 5.3 მილიონი ჩინელი ტურისტი ფიქსირდება, რომელთაც იმოგზაურეს მსოფლიოს ირგვლივ, ვებ-გვერდის დახმარებით. გასულ წელს მომხმარებელთა 142% – იანი ზრდა დაფიქსირდა, მაშინ, როდესაც კომპანიამ 2.1 მილიარდი იუენი გამოყო ეკონომიკური აქტივობებისთვის.
Airbnb 2008 წლის აგვისტოში დაარსდა, სან ფრანცისკოში. ის საერთაშორისო საზიარო ეკონომიკის ერთ-ერთი მთავარი მოთამაშეა, რომელსაც ამჟამად 4 მილიონიანი კატალოგი აქვს, 191 ქვეყანაში. 2008 წლის შემდეგ კი, საერთო ჯამში, 200 მილიონი სტუმარი დაფიქრიდა Airbnb- ს სიაში.
მა თიანძიაომ, პეკინში დაარსებული კომპანიის ანალიტიკოსმა განაცხადა, რომ მოგზაურობის დროს ჩინელ ტურისტებს ახალი შეგრძნებების გაჩენის სურვილი აქვთ. “ისინი აღარ არიან აღფრთოვანებულნი სხვადასხვა სასტუმროთი. მათთვის საცხოვრებელი ფართების გაქირავების სერვისით სარგებლობა მრავალფეროვნებასთან არის დაკავშირებული, ” – განაცხადა მამ.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.