[:ka]
ჩინეთის უდიდესი ელექტრონული კომერცია, Alibaba – $1.1 მილიარდს, ინდონეზიის უდიდეს ონლაინ სავაჭრო ბაზარში, Tokopedia – ში ჩადებს.
ჯაკარტაში დაარსებულმა ელექტრონულმა კომერციამ, ცოტა ხნის წინ თანხის შეგროვების, 7 ტური დაასრულა და საერთო ჯამში $247.7 მილიონი მოიპოვა, მათ შორის Softbank – ისა და Sequoia Capital – ის ინვესტიციების მეშვეობით.
მაისში, Alibaba – ს მთავარმა მეტოქემ JD.com – მა ხმები გაავრცელა სამომავლო გეგმების შესახებ, რომელიც ინდონეზიურ კომპანიაში მილიონობით დოლარის ინვესტიციას ეხებოდა.
Alibaba – ს გადაწყვეტილება, სამხრეთ-აღმოსავლეთ აზიაში, კომპანიის ონლაინ გაყიდვების გაფართოების ბოლო ნაბიჯია. თანხის Tokopedia – ში დაბანდებამდე, Alibaba – მ სინგაპურში დაარსებულ ონლაინ მოლში Lazada Group SA – ში ინვესტიციები ჩადო და 83% – იანი წილის მფლობელი გახდა.
ივნისში, Alibaba – მ დაანონსა, რომ ჩინური საქონლის უცხოეთში გაყიდვასაც გეგმავს.
კომპანიამ ვებ-გვერდი “Taobao Collection” – Lazada – ს პლატფორმაზე აამუშავა, რაც ჩინელ გამყიდველებს ეხმარება, რომ საქონელი სინგაპურსა და მალაიზიაში გაყიდონ. წლის ბოლოსთვის, ვებ-გვერდი ინდონეზიაში, ტაილანდსა და ფილიპინებშიც გაიხსნება.
სამხრეთ-აღმოსავლეთ აზიის წინა ინვესტიციების გათვალისწინებით, Alibaba – ს საერთაშორისო გაყიდვების შემოსავალმა, წლის მეორე ნახევარში, უკვე 2.64 მილიარდ იუენს მიაღწია, კომპანიის ანგარიშის მიხედვით, გაყიდვები 136% – ით გაიზარდა.
აზიის სამხრეთ-აღმოსავლეთ ქვეყნებში ადამიანები მხარჯველები არიან. საინვესტიციო კომპანიის Temasek – ის ანგარიშის მიხედვით, რეგიონის ელექტორნული კომერციის ბაზრის შემოსავალი, $88 მილიარდს 2025 წლისთვის მიაღწევს ამ მაჩვენებლის 52% კი ინდონეზიის ბაზრის დამსახურება იქნება.
ინდონეზიის სავაჭრო ბაზრის მთავარი ამოცანა, 900 – ზე მეტ კუნძულზე მცხოვრები ადამიანებისთვის, შეძენილი საქონლის სწრაფად გადაგზავნაა.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.