[:ka]
კომპანიებს “სარტყელი და გზის” ინიციატივის ფარგლებში საკუთარი პროექტების დასაფინანსებლად ახალი გზა გამოუჩნდათ. ჩინეთმა მასიური ინიციატივის დაფინანსების გაუმჯობესების მიზნით “სარტყელი და გზის” ობლიგაციების ბაზარი შექმნა.
ნავთობქიმიური პროდუქციის მწარმოებელმა კომპანიამ Hengyi, შენჭენის საფონდო ბირჟაზე, “სარტყელი და გზის” ინიციატივის ობლიგაციებში 500 მილიონი იუენი($ 79 მილიონი) განათავსა. აღნიშნული ბონდის შემოსავლები ბრუნვაში სამი წის განმავლობაში იქნება და კომპანიის ნავთობპროდუქტების წარმოებისთვის იქნება გამოყენებული.
ზემოთ აღნიშნული, განხორციელდა მას შემდეგ, რაც ჩინეთმა შიდა და უცხოურ კომპანიებს, ასევე “სარტყელი და გზის” ინიციატივის გასწვრივ მდებარე ქვეყნებს შენჭენის და შანხაის საფონდო ბირჟის კარი გაუღო.
ჩინეთის სახელმწიფო ფასიანი ქაღალდების მარეგულირებელი კომისიის ოფიციალური განცხადებით, მათ უკვე დაიწყეს 7 ქვეყნის შიდა და უცხოური კომპანიების განცხადებათა დამტკიცება ინიციატივის ფინანსირებისთვის 50 მილიარდი იუენით.
2013 წელს ჩინეთის მიერ შემოთავაზებული “სარტყელი და გზის” ინიციატივა მიზნად ისახავს აზიისა და აფრიკის დამაკავშირებელი სავაჭრო და ინფრასტრუქტურული ქსელების შექმნას ძველი სახმელეთო და საზღვაო სავაჭრო მარშრუტების აღდგენის საფუძველზე.
ჩინურმა კომპანიებმა, 24 ქვეყნის ეკონომიკური და სავაჭრო თანამშრომლობის გაღრმავებისათვის , “სარტყელი და გზის” მარშრუტების გასწვრივ 75 ბიზნეს ცენტრი შექმნეს. ასევე შეიქმნა 209 000 ადგილობრივი ახალი სამუშაო ადგილი.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.