[:ka]
მომავალი BRICS სამიტი, რომელიც ჩინეთში, კერძოდ კი სიემენში გაიმართება წევრი ქვეყნების ეკონომიკის, სავაჭრო, საინვესტიციო და ტექნოლოგიური ინტეგრაციის დაჩქარებასა და მრავალმხრივი სავაჭრო სისტემის განვითარების ხელშეწყობას მიეძღვნება.
შინაგან საქმეთა სამინისტროს ოფიციალური წარმომადგენელის, კაო ფვენგის განცხადებით ბრაზილია, რუსეთი, ინდოეთი, ჩინეთი და სამხრეთ აფრიკა ჩინეთთან თანამშრომლობას გააღრმავებს ისეთ სფეროებში როგორიცაა, ტექნიკა, ტექნოლოგიები, სტანდარტები და მომსახურების ექსპორტის ხელშეწყობა. “ჩინეთი ხელს შეუწყობს მრავალმხრივ ვაჭრობას, როგორც საერთაშორისო ვაჭრობის მთავარ არხს და მრავალმხრივ სავაჭრო მოლაპარაკებებში აქტიურ მონაწილეობას მიიღებს”, – განაცხადა მან პეკინში გამართულ პრესკონფერენციაზე.
2017 წლის პირველი ნახევრისთვის ჩინეთსა და სხვა BRICS – ის ქვეყნებს შორის ვაჭრობის მოცულობა 26% – ით გაიზარდა. BRICS – ის სავაჭრო მინისტრებმა ასოციაციის წევრ ქვეყნებს ელექტრონული კომერციის, ციფრული პორტების, ვაჭრობის სერვისების, ინტელექტუალური საკუთრების, საინვესტიციო ფასეულობებისა და ვაჭრობის დაცვის საკითხებზე თანამშრომლობის გაღრმავებისკენ მოუწოდეს. ბრაზილიამ განაცხადა, რომ ქვეყანა უცხოურ კომპანიებს ენერგოეფექტურობის, პორტის, აეროპორტისა და სხვა ინფრასტრუქტურული პროექტების განხორციელების სტიმულირებისთვის პრივილეგიებს შესტავაზებს. პროდუქტიული შესაძლებლობების გაზრდის მიზნით მაისის ბოლოს ჩინეთმა და ბრაზილიამ ერთობლივი საინვესტიციო ფონდის შექმნა დაიწყო. იანვრისა და ივლისის თვის მონაცემებით, ორმხრივი ვაჭრობის მოცულობა საგრძნობლად გაიზარდა ჩინეთსა და ინდოეთს შორისაც. მონაცემების თანახმად, ორმხრივი ვაჭრობის მოცულობა 21.5% – ით გაიზარდა და 47.52 მლრდ აშშ დოლარს მიაღწია.
ჩინეთის საერთაშორისო ვაჭრობისა და ეკონომიკური თანამშრომლობის ჩინეთის აკადემიის მკვლევარმა ვანგ ჭ’ლემ განაცხადა, რომ BRICS ქვეყნებმა წლის მეორე ნახევარში მიაღწიეს საინვესტიციო ხელშეწყობას, რაც გლობალური საინვესტიციო პოლიტიკის კიდევ ერთი მიღწევაა.
[:]
