[:ka]
ჩინეთის სატელეკომუნიკაციო კომპანია China Telecom – მმა Apple – ის ჩინურ პარტნიორ Guizhou-Cloud Big Data – თან შეთანხმებას მოაწერა ხელი. შეთანხმების თანახმად, China Telecom გახდება მონაცემთა შენახვის პირველი მიმწოდებელი iCloud – ის ადგილობრივი მომხმარებლებისთვის ჩინეთში.
ჩინეთის ახალი ამბების სააგენტო YNET – ის ცნობით, აღნიშნული გარიგება ერთ-ერთი ყველაზე დიდი პროექტია, რომელიც კომპიუტერული მონაცემების შეგროვება – შენახვას ისახავს მიზნად.
Guizhou-Cloud Big Data, Apple – ის ერთადერთი პარტნიორი ჩინეთში, iCloud – ის მომსახურებისა და სერვისების მხარდასაჭერად ეროვნულ მონაცემთა ცენტრზეც იმუშავებს.
დღემდე, iCloud – ის ჩინელი მომხმარებლების მონაცემები აშშ – ის ჩრდილოეთ კაროლინის სერვერზე ინახებოდა. Guizhou-Cloud Big Data – ს ოფიციალური განცხადებით, Apple – ის მონაცემების ცენტრი ჩინეთში 2020 წლის დასაწყისში ამოქმედდება. მანამდე კი, Guizhou-Cloud Big Data სამ ძირითად შიდა ოპერატორთან ითანამშრომლებს, რათა მომხმარებელთა მონაცემები შეინახოს.
ჩინეთის სატელეკომუნიკაციო კომპანიის განცხადებით, აღნიშნული შეთანხმება მაღალხარისხიანი ქსელის შექმნასა და მონაცემთა ცენტრის მომსახურების გაუმჯობესებას უზრუნველყოფს. ასევე, შემდგომ თანამშრომლობაში, Tianyi Cloud – ის დამოუკიდებელ განვითარებას და მასში მონაცემთა შენახვის OOS სერვერის გამოყენებას შეუწყობს ხელს.
დღეს ჩინეთში OOS სერვერი ფართოდ გამოიყენება. მის განახლებულ ვერსიას v6.1 უკვე იყენებს 20 – ზე მეტი ქალაქი ჩინეთში. China Telecom – ის თანახმად, OOS v6- ს ქსელური შენახვის ძირითადი ტექნოლოგიების გამოყენებით არაერთი პრობლემის გადაჭრა შეუძლია. ასევე აქვს შესაძლებლობა შექმნას უკვე არსებული წამიერი ხელმისაწვდომობა iCloud – ის მომხმარებლებისთვის.
[:]
