[:ka]
განათლებისა და ფინანსთა სამინისტრომ პედაგოგების გადამზადებისთვის ახალი პროექტი სახელწოდებით “ვერცხლის ასაკი” წამოიწყო.
სამინისტროთა ახალი ინიციატივის ფარგლებში 10 000 – მდე საპენსიო ასაკის პედაგოგის გადამზადება იგეგმება. სამინისტროს ოფიციალური განცხადებით, მასწავლებლებს სოფლის დაწყებით და საშუალო სკოლებში სასწავლებლად გადაამზადებენ.
მათივე ცნობით, ვეტერან პედაგოგთა პირველი ნაკადი სწავებას ახალი სასწავლო წლიდან შეუდგება. განათლებისა და ფინანსთა სამინისტროს მიერ “ვერცხლის ასაკის” პროექტის ფარგლებში პედაგოგთა გადამზადების პროცესი წელს დაიწყება და 2020 წლისთვის დასრულდება.
პროექტის მთავარ მიზანს ქვეყნის ღარიბ რეგიონებში განათლების გაუმჯობესება და ხელშეწყობა წარმოადგენს. პროექტისთვის მნიშვნელოვანია ურბანულ და სასოფლო რაიონებს შორის განათლების ხარისხის ბალანსი.
პედაგოგებს, რომლებიც ჩაერთვებიან სამინისტროს ახალ პროექტში, გარდა იმისა, რომ კვლავ შეეძლებათ სწავლება საგანმანათლებლო დაწესებულებებში, პროექტი საშუალებას მისცემს შეაფასონ სხვა პედაგოგთა მუშაობა, დაესწრონ ღია ლექციებსა და სემინარებს, ითანამშრომლონ სკოლის ხელმძღვანელობასთან და ამით დაეხმარონ სკოლებს სასწავლო პროცესის მართვის გაუმჯობესებაში.
[:]
