[:ka]
CRCC China Railway Construction Company ჩინეთში ცნობილი რკინიგზის სამშენებლო და ყველაზე მსხვილი კონტრაქტორი კომპანიაა, რომელიც საქართველოში ინფრასტრუქტურის სფეროში კაპიტალდაბანდებით ინტერესდება.
ჩინეთის რკინიგზის სამშენებლო კორპორაცია Limited (CRCC) მსოფლიოში ერთ-ერთი ყველაზე ძლიერი სამშენებლო ჯგუფია, რომელიც Fortune Global რეიტინგში 79-ე ადგილზეა, ხოლო ჩინეთის 500-ზე მეტ კომპანიას შორის მე-8 ადგილი უჭირავს. მას ჰყავს 250-ზე მეტი გლობალური კონტრაქტორი. CRCC უზრუნველყოფს მისი კლიენტებისთვის ერთიან ინტეგრირებულ მომსახურებას რკინიგზის, მაღალსიჩქარიანი სარკინიგზო ხაზების, ხიდების, გვირაბებისა და ურბანული სარკინიგზო ტრანსპორტის პროექტის დიზაინისა და სამშენებლო დარგებში.
14 ივნისს, CRCC China Railway Construction Company დავით საგანელიძის საპარტნიორო ფონდს ეწვია. აღნიშნულ შეხვედრაზე, დავით საგანელიძემ სტუმრებს ფონდის მანდატი, ფუნქცია, პრიორიტეტი, ასევე ფონდის მიერ დასრულებული და მიმდინარე პროექტები გააცნო. თავის მხრივ, ჩინური კომპანიის დელეგაციის წევრებმა ფონდის აღმასრულებელ დირექტორს საქართველოში დაგეგმილი საინვესტიციო აქტივობის შესახებ ინფორმაცია მიაწოდეს და საპარტნიორო ფონდთან თანამშრომლობისა და ერთობლივი პროექტების განხორციელების სურვილი გამოთქვეს.
როგორც საპარტნიორო ფონდმა ქართულ მედიას აცნობა, ჩინური CRCC China Railway Construction Company ინვესტიციის დაბანდებას საქართველოს ინფრასტრუქტურის სფეროში გეგმავს.
ამასთანავე, სექტემბერში საქართველოში ვიზიტს გეგმავს CRCC China Railway Construction Company-ს პარტნიორი მსხვილი სადაზღვევო კომპანიაა Sino Sure , რომელიც მსოფლიოს მასშტაბით 50 000-ზე მეტ კომპანიასთან თანამშრომლობს და ბოლო 6 წლის განმავლობაში ბიზნესის დაზღვევის მხრივ ჩინეთში პირველ ადგილს იკავებს. Sino Sure პარტნიორ კომპანიებს სავაჭრო, სამრეწველო, ფისკალური და ფინანსური პოლიტიკის წარმოებასა და ექსპორტის დაზღვევის ინსტრუმენტების განვითარებაში უწყობს ხელს. აღსანიშნავია, რომ ვიზიტის ფარგლებში საპარტნიორო ფონდთან ურთიერთთამშრომლობის შესახებ ხელშეკრულებას მოეწერება ხელი.
[:]
კომენტარის დატოვება
კომენტარის დასატოვებლად უნდა გაიაროთ ავტორიზაცია.