[:ka]
5300 ტუნხუანგის ხელნაწერი ჩინეთში საფრანგეთიდან ციფრული ფორმით დაბრუნდა და დღეს, ის ჩინეთის ეროვნულ მუზეუმში ონლაინ რეჟიმშიცაა ხელმისაწვდომი.
აღნიშნული ციფრული რესურსი უზრუნველყოფილია საფრანგეთის ეროვნული ბიბლიოთეკის მიერ, სადაც ტუნხუანგის ორიგინალ ხელნაწერთა 7000 ასლია დაცული.
ტუნხუანგის რელიქვიები მე-20 საუკუნის დასაწყისში აღმოაჩინეს მოკაოს მღვიმეებში, რომელიც ჩინეთში, კანსუს პროვინციაში მდებარეობს. ხელნაწერები მე-5 მე-11 საუკუნეებით თარიღდება. მათი უმრავლესობა ჩინურ ენაზეა შესრულებული, თუმცა რელიქვიათა შორისაა ხოტანური და ებრაული ხელნაწერებიც.
დღეისათვის,16000-მდე ტუნხუანგის ხელნაწერი ჩინეთის ეროვნული მუზეუმის კუთვნილებაშია. ხელნაწერთა გარკვეული რაოდენობა კი ქვეყნის გარეთ, რუსეთში, საფრანგეთსა და იაპონიაშია გაბნეული. 1908 წელს, ფრანგმა სინოლოგისტმა პოლ პელიოტმა, საფრანგეთში 7000 ტუნხუანგის ხელნაწერი გაიტანა. აღნიშნული რელიქვიებს მნიშვნელოვანი ადგილი უჭირავს ქვეყნის კულტურაში.
2007 წელს, ჩინეთმა უძველესი წიგნების გადარჩენის და მოძიების მიზნით წამოიწყო პროექტი, რომლის ფარგლებშიც მოძიებულ იქნა მთელი მსოფლიოს მასშტაბით გაბნეული უძველესი ჩინური კლასიკები. 2015 წელს, ჩინეთის ეროვნულმა ბიბლიოთეკამ ციფრული თანამშრომლობის პროექტი განახორციელა, რომელიც ჩინეთის უძველესი კლასიკის პოპულარიზაციის მიზნით, ციფრულ შინაარს ან მაღალი ხარისხის ასლებს იყენებს.
ძველ წიგნების დაცვისა და კონსერვაციის ეროვნული ცენტრის დირექტორის ლინ შ’თიენის თანახმად, საფრანგეთის ეროვნულმა მუზეუმმა ჩინეთს იმ ნახატთა სერიების ციფრული ვერსია გამოუგზავნა, რომელთა შორისაა “ძველი საზაფხულო სასახლე” და “იუენმინგიუენის ორმოცი სცენა”. ჩინეთის ეროვნული ბიბლიოთეკა ფრანგ კოლეგებთან თანამშრომლობას მომავალშიც აქტიურად გააგრძელებს. ამას გარდა ბიბლიოთეკას გადმოეცა “იუნგლეს კანონები” -ს 50-ზე მეტი ტომი, რომელიც ჩინეთს ჰარვარდის, ოქსფორდის და ბრიტანეთის ბიბლლიოთეკებმა მიაწოდა.
5300 ტუნხუანგის ხელნაწერი არა მხოლოდ კვლევებისთვისაა ხელმისაწვდომი. სრული ტექსტის ხილვა ნებისმიერი მსურველისთვის შესაძლებელია ონლაინ, ეროვნული ბიბლიოთეკის ბაზაში.
