[:ka]
2018 წლის მონაცემებით, დღეს ჩინეთში მთლიანი შიდა პროდუქტის მაჩვენებელი(მშპ) 6.5 პროცენტია, რაც ხარისხისა და ეფექტურობის კარგი მაგალითია.
ჩინეთი სტაბილურ ეკონომიკურ ზრდას კვლავ განაგრძობს. მომავალი წლისთვის ქვეყანა ეკონომიკის უცხოელ ინვესტორებზე გაფართოებას ისახავს მიზნად.
ორშაბათს, 5 მარტს რიგით მე-13 ეროვნული სახალხო კონგრესი გაიმართა, სადაც სიტყვით გამოვიდა ჩინეთის პრემიერი ლი ქეციანგი. ლიმ სიტყვით გამოსვლისას არსებულ ეკონომიკურ მდგომარეობაზე ისაუბრა და იქ მყოფ საზოგადოებას, მთავრობის ანგარიშები გააცნო. “ქვეყანა ეწინააღმდეგება პროტექციონიზმს და მხარს უჭერს სავაჭრო დავების დარეგულირებას მოლაპარაკებების გზით”- განაცხადა პრემიერმა. მისივე განცხადებით, ჩინეთის მთავრობა ეკონომიკური რისკების მართვის გაუმჯობესების პროგრამას იწყებს, რომლის ფარგლებშიც გააუმჯობესებს ზედამხედველობას ბანკებზე, ინტერნეტ-ფინანსებსა და ფინანსურ ჰოლდინგ კომპანიებზე. ასევე გაუმჯობესდება ფინანსური რეგულირება და გამკაცრდება ადგილობრივი ხელისუფლების ვალების მართვის სისტემა.
მთავრობის მუშაობის ანგარიში ასევე მიმოიხილავს ჩინეთის რეფორმებსა და განვითარებას ბოლო ხუთი წლის განმავლობაში.
ქვეყნის სამიზნე კვლავ უცვლელი რჩება. მიუხედავად იმისა, რომ მშპ-ს 2017 წლის მაჩვენებელმა მოსალოდნელს გადააჭარბა და 6.7% შეადგინა, ჩინეთი კვლავ აქტიურად გააგრძელებს ეკონომიკის სტიმულიზაციას.
“ჩინეთის ეკონომიკა წელს საკმაოდ სტაბილურია და პრიორიტეტი იქნება ზრდის ხარისხისა და ეფექტურობის გაუმჯობესებაზე” – განუცხადა ჟურნალისტებს ჩინეთის სახალხო პოლიტიკური საკონსულტაციო კონფერენციის ეროვნული კომიტეტის წევრმა ლიოუ შ’ძინმა.
ჩინეთი სრულად გახსნის თავის ზოგად საწარმოო სექტორებს უცხოელი ინვესტორებისთვის, გაააქტიურებს ისეთ სფეროებს, როგორიცაა ტელეკომუნიკაციები, ჯანდაცვა, განათლება, მოხუცებულთა მოვლა, ახალი ენერგეტიკული სატრანსპორტო საშუალებები. კიდევ უფრო გაამარტივებს უცხოური ბიზნესისთვის ბიზნესის წარმოების პროცედურებს და ხელმისაწვდომს გახდის ისეთ სფეროებს, როგორიცაა სადაზღვეო, საბანკო, ფასიანი ქაღალდები, ფონდის მენეჯმენტი და ფინანსური აქტივების მენეჯმენტი.
[:]
 6.5 პროცენტია, რაც ხარისხისა და ეფექტურობის კარგი მაგალითია. ჩინეთი სტაბილურ ეკონომიკურ გზას კვლავ განაგრძობს. მომავალი წლისთვის ქვეყანა ქვეყანა გეგმავს ეკონომიკის უცხოელ ინვესტორებზე გაფართოებას. ){kind=link}