[:ka]
ჩინეთის ნაციონალურმა სიმფონიურმა ორკესტრმა პეკინის საკონცერტო დარბაზის საზაფხულო პროგრამის ფარგლებში პირველი კონცერტი უკვე გამართა.
6 ივლისის საზაფხულო რეპერტუარს, რომელიც შედგებოდა გუსტავ თეოდორ ჰოლსტის “პლანეტებისა” და რიხარდ გეორგ შტრაუსის პოემა “ასე ამბობდა ზარატუსტრა”, დირიჟორი ხუ იუნგანი უძღვებოდა.
საზაფხულო პროგრამას პეკინის საკონცერტო დარბაზი 20 წელზე მეტია ყოველწლიურად ატარებს. ღონისძიების მიზანს ახალგაზრდა აუდიტორიის მოზიდვა და კულტურის პოპულარიზაცია წარმოადგენს, ზაფხულის ცხელ დღეებში.
გასული წლების მსგავსად ტრადიციას არც წელს უღალატა პეკინის საკონცერტო დარბაზმა და ის კვლავ მრავალფეროვანი პროგრამით წარსდგება მსმენელის წინაშე. 6 ივლისიდან 26 აგვისტოს ჩათვლით საკონცერტო დარბაზში 60 კონცერტი და 4 წარმოდგენა გაიმართება. ჩინურ ტრადიციულ და ხალხურ ფოლკლორულ მუსიკას ადგილობრივ შემსრულებლებთან ერთად, უცხოელი არტისტებიც შეასრულებენ.
[:]
