[:ka]
ჟენევაში გაერთიანებული ერების ორგანიზაციისა და გაეროში ჩინეთის სახალხო რესპუბლიკის
ღონისძიება თემაზე “ჩინური იეროგლიფებიდან ლიტერატურამდე: ჩინური კულტურის ხიბლი”, რომლის დროსაც ლექცია-პრეზენტაციები და მოხსენებები ჩატარდა გაეროს ერების სასახლეში (Palais des Nations). აღნიშნული ღონისძიება გაეროს ჩინეთის მუდმივი წარმომადგენლობის ელჩმა, იუ ძიენხუამ და ჟენევაში სხვა ქვეყნების წარმომადგენლებმა გახსნეს. მოხსენებით წარსდგნენ ჩინელი პროფესორები და მოწვეული სინოლოგები, მათ შორის თავისუფალი უნივერსიტეტის ჩინეთმცოდნე პროფესორი, მარინე ჯიბლაძე. მან ჩინეთისა და ჩინური კულტურის, მათ შორის იეროგლიფების უნიკალურობაზე ისაუბრა, ჩინური ენის სწავლებისა და კვლევის გამოცდილება გაუზიარა დამსწრე საზოგადოებას. მოხსენებამ დიდი ინტერესი და გამოხმაურება გამოიწვია მსმენელთა შორის.
გახსნის დროს სიტყვით გამოსვლისას, გაეროს წარმომადგენლებმა ხაზი გაუსვეს აღნიშნული ღონისძიების მნიშნველობას. მათ დასძინეს, რომ ჩინეთი ყოველთვის მიესალმება მსოფლიოს სხვადასხვა ქვეყანაში ჩინური კულტურით დაინტერესებას, იეროგლიფები არის ჩინური კულტურის მნიშვნელოვანი ნაწილი, ენების ცოდნა კი არის თანამედროვე მსოფლიოს მულტილატერალიზმის განვითარების ფუნდამენტი. ელჩმა გულითადი მადლობა გადაუხადა კულტულური ურთოერთობების განვითარების ხელშემწყობ და ურთიერთ შეცნობაში დამხმარე ჩინეთმცოდნე სახალხო დიპლომატებს. ღონისძიებას ესწრებოდა 200-ზე მეტი სტუმარი.
[:]
