Huawei Technologies Co-მა განაცხადა, რომ შიდა პარტნიორებთან თანამშრომლობის მეშვეობით კომპანიამ წარმატებით შეიმუშავა ელექტრონული დიზაინის ავტომატიზაცია, იგივე EDA ინსტრუმენტები, 14 ნანომეტრზე მეტი ჩიპების პროცესორებისთვის, რაც აშშ-ს მთავრობის შეზღუდვების ფონზე ჩინეთის ნახევარგამტარული ინდუსტრიისთვის მნიშვნელოვან წინ გადადგმულ ნაბიჯს წარმოადგენს
EDA წარმოადგენს პროგრამულ უზრუნველყოფას, რომელიც ფართოდ გამოიყენება სექტორში და დიდი მნიშვნელობა აქვს ჩიპების დიზაინის მთელ პროცესში.
Huawei-ს თავმჯდომარე სუ ჭძუნის თქმით, კომპანიამ უკვე დაასრულა ჩიპების ველში 14 ნმ-ზე მეტი EDA ინსტრუმენტების ლოკალიზაცია, ხოლო წელს ყოვლისმომცველ შემოწმებას დაასრულებს.
ზემოთ აღნიშნული პროგრესი Huawei-ს კიდევ უფრო ფართო მიზნების ერთ-ერთი ნაწილია, რომელიც აშშ-ს მთავრობის ხანგრძლივი შეზღუდვების ფონზე, ტექნიკის, პროგრამული უზრუნველყოფისა და ჩიპებისთვის შიდა განვითარების ინსტრუმენტების შემუშავებას ემსახურება.
აშკარაა, რომ ბოლო სამი წლის განმავლობაში Huawei-მ პროდუქტის განვითარების ინსტრუმენტებში ბევრ წარმატებას მიაღწია, თუმცა, სუს თქმით, კომპანია მაინც უზარმაზარი გამოწვევების წინაშე დგას. ასევე, მან დასძინა, რომ სამომავლოდ კომპანია მეტი გლობალური ნიჭის მოსაზიდად ძალისხმევის გაორმაგებას ისახავს მიზნად.