[:ka]
ჩინეთის სატელეკომუნიკაციო გიგანტი Huawei ხელოვნური ინტელექტის მქონე ტექნოლოგიების წარმოებით არის დაკავებული. კომპანიის მიზანია მოახდინოს ერთგვარი გარდაქმნა სმარტფონების ბაზარზე და გახდეს ევროპაში, ნომერ პირველი სმარტფონების მწარმოებელი.
სულ ცოტა ხნის წინ, Huawei-მ გამოაქვეყნა ბოლოდროინდელი კვლევა იმის თაობაზე, თუ როგორ შეიძლება დაეხმაროს AI ტექნოლოგია სმარტფონების მომხმარებლებს ყოველდღიურ აქტივობებში. ეს იყო ნაწილი იმ ძალისხმევისა, რომელიც მიზნად ისახავს კომპანიის უახლესი Mate 10 სერია სმარტფონების გაყიდვას. Huawei-ის სმარტფონის ახალი მოდელი გამოირჩევა იმით, რომ ის აღჭურვილია AI კომპიუტერული სისტემით. კვლევამ, რომელიც მოიცავდა 10,000 რესპონდენტს ევროპის მასშტაბით, გამოავლინა, რომ სმარტფონის მომხმარებელი ნებისმიერი ადამიანი ცდილობს გამოიყენეოს საკუთარი ტელეფონი ყოველდღიურ აქტივობაში, რომელიც ძირითადად გამოიხატება ხარისხიანი სურათების გადაღებაში, ახალი სინგლებისა და მომღერლის ძიებაში, ახალი ენებისა და სამზარეულოს ხრიკების ათვისებაში.
ასევე კომპანიამ ლონდონის ეკონომიკის სკოლასთან ერთად ჩაატარა ერთობლივი კვლევა, რომელმაც აჩვენა, რომ ადამიანის ტვინი ბოლომდე ვერ იაზრებს ჩვენ მიერ მიღებულ გადაწყვეტილებათა 99.74%-ს, AI ტექნოლოგიებს კი შეუძლია დაეხმაროს ადამიანს ცხოვრების ნებისმიერ ასპექტში.
[:]
