International SOS – ინიციატივის “სარტყელი და გზა” წევრ ქვეყნებში გაფართოებას გეგმავს

0
International SOS-ის მოხალისეები {ფოტო/China Daily]

მსოფლიოში წამყვანმა სამედიცინო დახმარებისა და უსაფრთხოების კომპანიამ, International SOS განაცხადა რომ, კომპანია უფრო მეტი კლიენტის მოზიდვაზეა ორიენტირებული და შეეცდება ჩინეთის მასშტაბით გაფართოებას. ასევე კომპანია გეგმავს გავიდეს “სარტყელი და გზა” ინიციატივის მონაწილე სხვა ქვეყნებზეც.

International SOS 1985 წელს დაარსდა. ის უზრუნველყოფს საერთაშორისო კომპანიების, სამთავრობო დაწესებულებებისა და სხვადასხვა ორგანიზაციების თანამშრომელთა და მუშაკთა ბიზნეს მოგზაურობებს საზღვარგარეთ. მზარდი მოთხოვნილებების დასაკმაყოფილებლად, International SOS მომხმარებელს სთავაზობს ინტეგრირებულ სამედიცინო და უსაფრთხოების რისკების პრევენციასა და მენეჯმენტს, მათ შორის შეფასებას, რჩევასა და დახმარებას.

“ჩვენ კიდევ უფრო გავაფართოვებთ მომსახურების სფეროს ჩინეთის ბაზრისათვის, რათა მომავალში ჩინურმა კომპანიებმა იმოგზაურონ მეტად დაცულად მსოფლიოს სხვადასხვა ქვეყანასა თუ რეგიონში”- განაცხადა International SOS-ის გენერალურმა დირექტორმა კარელ ვან დე ფიდჯფეკამპმა.

კომპანიის საქმიანობა ჩინეთში ახლა გლობალური შემოსავლების დაახლოებით 10% -ს შეადგენს. 100-ზე მეტს შეადგენს კორპორატიულ კლიენტთა რაოდენობა, რომელთა უმრავლესობაც სახელმწიფო საკუთრებაში არსებული ფირმებია.

China Bond Rating Co Ltd-ის თავმჯდომარის ფვენგ კუანგხუას განცხადებით, როდესაც კომპანიები ცდილობენ საკუთარი ბაზრის საზღვრებს გარეთ გაფართოებას მასპინძელ ქვეყნებში, არაერთი რისკი იჩენს თავს. ეს მოიცავს პოლიტიკურ არეულობას, ცვალებად ადგილობრივ პოლიტიკას და სავალუტო კურსის ცვლილებებს. აქედან გამომდინარე, მნიშვნელოვანია ჩინურმა ფირმებმა უზრუნველყონ თავიანთი პერსონალის ხარისხიანი სამედიცინო მომსახურება და უსაფრთხო მოგზაურობა.

 

LEAVE A REPLY