[:ka]ახალგაზრდობის ეროვნული დღე ჩინეთში[:]

[:ka]

ახალგაზრდობის ეროვნული დღე ყოველი წლის 4 მაისს აღინიშნება ჩინეთში. იგი დაარსდა 1949 წლის დეკემბერში, ჩინეთის სახალხო რესპუბლიკის მთავრობის ადმინისტრაციის საბჭოს მიერ. თარიღი დააწესეს, 1919წლის „მაისის მეოთხე მოძრაობის“ პატივსაცემად.

პირველი მსოფლიო ომის დასრულების შემდეგ აშშ-ს, ბრიტანეთის, საფრანგეთის, იტალიის და იაპონიის მონაწილეობით გაიმართა სამშვიდობო კონფერენცია პარიზში, 1919წელს. კონფერენციაში მონაწილეობის მისაღებად, ჩინეთის მთავრობამაც გაგზავნა დელეგატთა ნაწილი. ჩინეთის დელეგაციამ, კონფერენციაზე, საკუთარ ტერიტორიაზე იმპერიული ქვეყნების უფლებამოსილების შეჩერება მოითხოვა. კერძოდ, იაპონიის მხრიდან უსამართლო „21 ელემენტის“ გაუქმება და შანტუნგის ისევ ჩინეთისთვის მიერთება, რომელიც იაპონიამ დაიპყრო პირველი მსოფლიო ომის დროს. ჩინეთის მოთხოვნას უარით უპასუხეს. შანტუნგის პროვინცია იაპონიის საკუთრებაშივე დარჩა. მიღებულმა გადაწყვეტილებამ, ჩინეთის მცხოვრებლებს შორის დიდი აღშფოთება გამოიწვია. 4 მაისს, დაახლოებით 30,000 სტუდენტი პეკინის სხვადასხვა უნივერსიტეტიდან, შეიკრიბა თიენანმენის მოედანზე. ისინი გამოვიდნენ კონფერენციაზე მიღებული გადაწყვეტილების წინააღმდეგ და შედეგს პატრიოტული შეძახილებით აპროტესტებდნენ. პეტიცია ჩაიხშო მთავრობის მიერ და ეს იყო პირველი შემთხვევა ჩინეთის ისტორიაში.Related image

ბევრი ადამიანი გაიფიცა. გაიზარდა სტუდენტთა მასობრივი გამოსვლები ქუჩაში. მათი ანტი-იმპერიალისტური და პატრიოტული მოძრაობები გახშირდა და დემონსტრაციებმა ეროვნულ მასშტაბებს მიაღწია. საბოლოოდ, 10 ივნისს მთავრობა კომპრომისზე წავიდა და ჭანგ ჭუნგსიანგი, ცაო ჟულინი და ლუ წონგიუ გადააყენეს. 28 ივნისს, ჩინეთის დელეგაციამ უარი განაცხადა პარიზის ხელშეკრულებაზე. სწორედ ამ დღეს აღინიშნა ახალგაზრდობის ეროვნული დღის დასაწყისი.

ჩინეთის ეროვნული ახალგაზრდობის დღე აღინიშნება 4 მაისის მოვლენის გასახსენებლად და საპატივსაცემოდ. დღის, რომელიც უკვდავია ჩინეთის ისტორიაში. ეს არ იყო მხოლოდ პატრიოტული ჟესტი ან თუნდაც მსვლელობა, არამედ იყო მოვლენა, რომელმაც მოიტანა ახალი კულტურა დემოკრატიასა და მეცნიერებისათვის დამახასიათებელი ნიშნით. მოვლენა, რომელიც მიმართული იყო  ფეოდალიზმის წინააღმდეგ.

ეროვნულმა ახალგაზრდობის დღემ დიდი გავლენა იქონია თანამედროვე ჩინური კულტურის, ენის, მეცნიერების და დემოკრატიის განვითარებაზე.

ჩინეთის ცენტრალურმა ხელისუფლებამ, სახელმწიფო საბჭომ, 4 მაისი გამოაცხადა ახალგაზრდობის ეროვნული დღედ 1949 წლის 4 მაისის მოძრაობის დემოკრატიის, პატრიოტიზმისა და მეცნიერების სულის შენარჩუნებისა და განვითარების მიზნით. ამ დღის აღსანიშნავად, ყოველწლიურად, ქვეყნის მასშტაბით ტარდება ღონისძიებები და სხვადასხვა აქტივობა,რომელთა შორისაა საჯარო შეკრებები, ცერემონიები ახალგაზრდებისათვის და მოხალისეობრივი საქმიანობები.

[:]

კომენტარის დატოვება