[:ka]
Microsoft – ის კორპორაციამ საზეიმოდ წარადგინა ბოლო თაობის ვირტუალური აგენტის, chatbot – ის მოდელი. ახალი თაობის ვირტუალურ აგენტს Xiaomi-ს, კორპორაციის 35 ჭკვიანი საყოფაცხოვრებო ტექნიკის კონტროლი შეუძლია.
ამერიკის შეერთებული შტატების ტექნიკურმა გიგანტმა განაცხადა, რომ Xiaoice – ის მეხუთე თაობა, რაც სიტყვასიტყვით “პატარა ყინულს” ნიშნავს, გვიჩვენებს, თუ როგორ შეუძლია ხელოვნურ ინტელექტს უკეთ ემსახუროს ადამიანს საკუთარი ემოციური ინტელექტით. ჰარი შუმმა, Microsoft- ის ხელოვნური ინტელექტისა და კვლევითი ჯგუფის აღმასრულებელმა ვიცე-პრეზიდენტმა განაცხადა, რომ Xiaoice უფრო მეტია ვიდრე “მეგობარი”. ის დიდ კონკურენციას უწევს Apple Inc- ის პროგრამას, Siri – ის, რომელიც ჯერ-ჯერობით მხოლოდ კითხვებზე პასუხებითა და ფაქტების წარმოებით შემოიფარგლება.
Xiaoice პირველად ჩინეთში შეიქმნა, 2014 წელს. ახლა კი პროდუქტი მსოფლიოს 5 ქვეყანაშია ხელმისაწვდომი, მათ შორის იაპონიაში, ამერიკის შეერთებულ შტატებსა და ინდოეთში. მას დაახლოებით, 100 მილიონი მომხმარებელი ყავს. პროგრამის მონაცემები ადამიანებს საშუალებას აძლევს ხმის მეშვეობით აკონტროლონ ტელევიზორი, სამაგიდო ნათურები და სხვა საყოფაცხოვრებო ტექნიკა.
უკეთესი შესაძლებლობებისთვის Microsoft – მა Xiaomi – სთან პარტნიორობის ხელშეკრულება გააფორმა და Xiaoice – ის პროგრამა, თავის 35 პროდუქციის სიაში შეიტანა. ამ წლის ბოლოს, კომპანია გეგმავს რამდენიმე ხმოვანი კონტროლის პროდუქტის გამოქვეყნებას ჩინური ტექნიკის შემქმნელებთან ერთად.
[:]
