[:ka]
ჩინეთში ონლაინ საგანმანათლებლო ბაზარი ძალიან პოპულარულია. ბოლოდროინდელი მონაცემების მიხედვით, ონლაინ საგანმანათლებლო ბაზრის ღირებულება 194 მილიონი იუენია(29 მილიარდი დოლარი), ონლაინ სწავლების მომხმარებელთა რიცხვმა კი წელს 110 მილიონი ადამიანი შეადგინა.
აღნიშნული კვლევა ჩატარდა ცინხუას უნივერსიტეტის ვებ-საიტის Xuetangx-ისა და iResearch-ის მიერ. Xuetangx უზრუნველყოფს ონლაინ საგანმანათლებლო უფასო კურსებს, ხოლო iResearch-ის საკონსულტაციო ფირმა ინტერნეტ მონაცემებზე აკეთებს აქცენტს. კვლევაში ჩართულ მონაწილეთა საშუალო ასაკი 18-დან 30 წლამდე მერყეობდა. გამოკითხულთა 70%-ს კი კურსდამთავრებულები შეადგენდნენ.
კვლევამ აჩვენა, რომ ონლაინ სწავლების მომხმარებელთა უმრავლესობა დიდი ქალაქების მცხოვრებნი არიან, თუმცა პატარა ქალაქებშიც შეიმჩნევა ზრდის ტენდენცია. ყველაზე დიდი მოთხოვნაა ენისა და პროფესიული უნარების კურსებზე, რომელიც მოიცავს IT ტრენინგს, მენეჯმენტსა და ბიზნესს.
Xuetangx- ის აღმასრულებელი დირექტორის ლი ჩაოს განცხადებით, მიუხედავად ონლაინ საგანმანათლებლო ბაზრის მსგავსი წარმატებისა ტრადიციული სწავლების მეთოდი კვლავ შეუცვლელი რჩება.
[:]
