[:ka]
ჩინეთმა ცოტა ხნის წინ, უმაღლესი სასწავლებლის მოსწავლეებისათვის თავისი პირველი, ხელოვნური ინტელექტის (AI) სახელმძღვანელო გამოუშვა. აღნიშნული სახელმძღვანელო ცენტრალური მმართველობის იმ გეგმის ნაწილია, რომელიც დაწყებით და საშუალო კლასებში ხელოვნური ინტელექტის კურსის ჩართვას ისახავს მიზნად.
MOOC-ის კვლევითი ცენტრისა და SenseTime Group-ის ერთობლივი ძალისხმევით შეიქმნა სახელმძღვანელო სახელწოდებით, “ხელოვნური ინტელექტის საფუძვლები”. წიგნი, რომლიცს შეადგენაში მონაწილეობა მიიღეს ჩინეთის ცნობილმა მეცნიერებმა, 9 თავისაგან შედგება. სახელმძღვანელოს შესავალი ნაწილი ეთმობა ხელოვნური ინტელექტის (AI) ისტორიას, ხოლო შემდეგი თავები ისეთ საკითხებს ეთმობა, როგორიცაა სახის ამოცნობის სისტემა, ავტომატური, უპილოტო მართვა და საზოგადოებრივი უსაფრთხოება.
“წიგნში საუბარია არა მხოლოდ ხელოვნური ინტელექტის საფუძვლებზე, არამედ გვასწავლის ხელოვნური ინტელექტის გამოყენებას ყოველდღიურ ცხოვრებაში”- განაცხადა აღმოსავლეთ ჩინეთის უნივერსიტეტის პროფესორმა ჩენ იუქუნმა.
დღეისათვის, ქვეყნის მასშტაბით დაახლოებით 40 უმაღლესი სასწავლებელი შეუერთდა AI-ის უმაღლესი განათლების საპილოტე პროგრამის პირველ ეტაპს, სასწავლო პროგრამაში ხელოვნური ინტელექტის სახელძღვანელოს ჩართვის სახით.
2016 წლის დასაწყისში ჩატარებულმა კვლევამ ცხადჰყო, რომ AI-ის მცოდნე პროფესიონალების მოთხოვნა მომავალ წლებში 5 მილიონამდე გაიზრდება. ბოლო წლებში ჩინეთმა ტექნოლოგიური კვლევებისა და განვითარების მნიშვნელოვანი პროგრესი განიცადა. აშშ-ში დაფუძნებული სარისკო კაპიტალის მონაცემთა ბაზის CB Insights- ის მიერ გამოქვეყნებული ანგარიშის თანახმად, ჩინეთმა ხელოვნური ინტელექტის განვითარებაში ჩადებული კაპიტალით, ამერიკის შეერტებულ შტატებს გადააჭარბა.
[:]
 სახელმძღვანელო გამოუშვა. აღნიშნული სახელმძღვანელო ცენტრალური მმართველობის იმ გეგმის ნაწილია, რომელიც დაწყებით და საშუალო კლასებში ხელოვნური ინტელექტის კურსის ჩართვას ისახავს მიზნად.){kind=link}