[:ka]სინომედიასა და წამყვან ჩინურ საინფორმაციო სააგენტოს შორის მემორანდუმი გაფორმდა[:]

[:ka]

პეკინში, ქართულ-ჩინურ საინფორმაციო სააგენტო “სინომედიასა” და ჩინეთის წამყვან საინფორმაციო სააგენტოს “ხუანციოუ შიპაო”(Global Times) შორის თანამშრომლობის მემორანდუმის ხელმოწერის ოფიციალური ცერემონია გაიმართა. Image result for 环球时报 logo

მემორანდუმით გათვალისწინებულია მხარეებს შორის მჭიდრო ურთიერთობების დამყარება, რაც გულისხმობს ორ ქვეყანას შორის ინფორმაციის გაცვლას სხვადასხვა სფეროში სახელმწიფო ინტერესების გათვალისწინებით. ასეთი სახის თანამშრომლობა ხელს შეუწყობს საქართველოსა და ჩინეთის მოქალაქეების ურთიერთშეცნობას და ორ ქვეყანას შორის მეგობრული ურთიერთობების გაღრმავებას.

მემორანდუმს ოფიციალურად ხელი მოაწერა, ორი მხარის ოფიციალურმა წარმომადგენელმა, სინომედიის ვიცე-პრეზიდენტმა, მარინე ჯიბლაძემ და ხუანციოუ შიპაოს ვიცე-პრეზიდენტმა, სიემ.

შეგახსენებთ, რომ საინფორმაციო სააგენტო „სინომედია“ 2017 წლის იანვარში დაარსდა, წარმოადგენს ონლაინ საინფორმაციო სააგენტოს. მიზნად ისახავს საქართველო-ჩინეთს შორის არსებული კულტურულ-ეკონომიკური ურთიერთობების შესახებ ინფორმაციის მოპოვება – გავრცელებას, საქართველოს ცნობადობის გაზრდას ჩინეთში და პირიქით, ჩინეთის ცნობადობის გაზრდას – საქართველოში, ორიენტირებულია კონკრეტულად  ქვეყნის ეკონომიკისა და საინვესტიციო გარემოს გაშუქებაზე, რომელიც ხელს შეუწყობს ტურისტების, ინვესტორების მოზიდვას და ქართული პროდუქციის პოპულარიზაციას ჩინეთის ბაზარზე.

[:]

კომენტარის დატოვება