[:ka]
Yum China Holdings Inc- მა, რომელიც ჩინეთის ირგვლივ, KFC -ის 5300-ზე მეტ სწრაფი კვების ობიექტს ხელმძღვანელობს, სახის ამოცნობის სისტემა წარადგინა, რომელიც შეკვეთის მიცემის კიოსკში ჩამონტაჟდა. პრეზენტაცია ხანგჭოუში, კერძოდ კი KFC-ის KPRO-ს მაღაზიაში გაიმართა.
ქვეყნის უდიდესი “მობილურის საფულე” Alipay, რომელიც მსგავსი ტექნოლოგიების მეშვეობით მოგებას ღებულობს, მიმდინარე ამბებს ეხმაურება და სწრაფი კვების ობიექტებს ურჩევს, რომ ხაზი ორ ტრენდს გაუსვან: ითანამშრომლონ იმათთან, ვისაც უკვე ესმის ეს სისტემა და გადავიდნენ ჯანსაღი კვების პოპულარიზაციაზე.
“მწვანე და ყვითელი ფერის შერწყმა, ჯანსაღ საკვებს მკაფიოდ უსვამს ხაზს, KPRO -ს მომხმარებლისთვის შეთავაზებული – საკუთარი გემოვნებით დამზადებულ სალათები, პანინები და შემწვარი ქათმის ხორცი ჩინეთის მზარდი მოსახლეობის დასაკმაყოფილებლად მზად არის”- განაცხადა Yum China-ს პრეზიდენტმა ჯოუ ვატმა.
“რესტორანში არსებული ახალი, ჯანსაღი სეზონური პროდუქცია და საბოლოო ტექნოლოგიების ნაწილის ინტეგრირება მომხმარებლის ზუსტ სეგმენტს ემსახურება, რაც ამავდროულად უფლებას გვაძლევს, რომ უკეთესად დავუკავშირდეთ ახალგაზრდა თაობას”.
სანამ ფორმები და შეფუთვა ისევ KFC – ის ლოგოს ნაწილად რჩება, შემწვარი ცხიმიანი ქათმის ხორცი და კარტოფილი, რომლებმაც რესტორანი ცნობილი გახადეს, გაქრა. მენიუში დამატებულია ახლად გაწურული ხილის წვენები, სხვადასხვა სახის ყავები გურმანებისთვის და ნაკლებად ცხიმიანი ნაყინები.
რესტორანში დასვენებისთვის განკუთვნილი კაფეებია განთავსებული. სტუმრები დაჰიპნოზებულები არიან სხვადასხვა მცენარეებით, რომლებიც რესტრონის გარშეამოა განთავსებული, მაშინ როდესაც წინსაფრიანი თანამშრომლები მომხმარებლის მაგიდებს ემსახურებიან. ღია სამზარეულო კი სტუმრებს, საშუალებას აძლევს თვითონვე დააკვირდნენ საჭმლის მომზადების პროცესს.
ვატმა განაცხადა, რომ კომპანიას ჯერ არ დაუგეგმავს რამდენი ახალი KPRO გაიხსნება და სად. მაგრამ ორ თვიან სატესტო რეჯიმში მუშაობის შემდეგ, 17 პროვინციულმა ბაზარმა, მათ შორის პეკინის და შანხაის ბაზრებმა, მსგავსი სავაჭრო ობიექტების გახსნის ინტერესი გამოავლინეს.
გაციფრულება მნიშვნელოვანი კომპონენტია, რომ კომპანიამ უმაღლეს მიზანს მიაღწიოს ანუ ყოველწლიურად 600 მაღაზია გახსნას ქვეყნის მასშტაბით, სადაც რთული ხასიათის მოხმარებელიც კი უფრო ჯანსაღი, აზიური არომატის საკვების მიღებაზე გადავა. ახლა, KFC- ის გაყიდვების 45% ციფრული (მობილური) გადახდის მეშვეობით ხორციელდება.
ბრენდი, რომელმაც 2 კვირაში იმავე მაღაზიაში გაყიდვები 4%-ით გაზარდა, ბოლო დროს კრეატიულობით გამოირჩევა. სწრაფი მიტანის სერვისისა და ციფრული გადახდების გარდა, მან ასევე დიდ წარმატებას რეკლამირების სფეროშიც მიაღწია, რაც ბრენდის 30 წლის იუბილეს აღნიშვნისთვის იყო გათვლილი. “ სწრაფი კვების ობიექტების ბრენდები, სწრაფად ითვისებენ ახალ ტენდენციებს, რაც ჯანსაღი საკვების პოპულარიზაციასაც უწყობს ხელს, მომავალში კომპანიების განვითარებისა და ზრდის გასაღებია. ამავე დროს ინოვაციურობის შენარჩუნება ახალგაზრდა მომხმარებლების მოზიდვას დაეხმარება” განაცხადა Mintel-ის კვლევების ანალიტიკოსმა სამერ ჩენმა.
“KFC – ის მიზანია ადამიანებს სახის ამოცნობის მეშვეობით, გადასახადების გადახდაში დაეხმაროს” – Ant Financial Services ჯგუფის ბიომეტრიული იდენტიფიკაციის ტექნოლოგიების დირექტორი ჩენ ძინტუნგის განცხადებაა, რომელიც ამ სისტემის შექმნაში მონაწილობდა.
“Yum China-ს ინოვაციების დიდი ისტორია აქვს, რომელიც ყოველთვის ანვითარებს არსებულ გამოცდილებას, ჩვენ უკეთეს ადგილს ვერ მოვიფიქრებდით იმისთვის, რომ წარგვედგინა ახალი ტექნოლოგიები” განაცხადა ჩენმა, KFC-ის რესტორნის KPRO-ს გახსნაზე.
ეკრანზე თითის რამდენიმე მოძრაობით, კამერას ჩართავენ და შემდეგ შეკვეთას მისცემენ Alipay იდენტიფიკაციისთვის მრავალ ეტაპს გადის, მათ შორის სახის სკანირებაა, ხოლო გადამოწმებისთვის – მობილურის ნომრით იდენტიფიკაცია.
ჩენმა განაცხადა, რომ სკანირების სისტემა უშუალოდ სახეზე ფოკუსირდება, ამიტომ არ აქვს მნიშნველობა, ატარებთ თუ არა მაკიაჟს ან პარიკს. უსაფრთხოების მიზნით, პირველი მოხმარების დროს მანქანა სკანირებულ სახეს სამთავრობო ორგანოების მონაცემებში გადაამოწმებს. თუ არ დადგინდება არანაირი დამთხვევა, მომხმარებელი სისტემაში შესვლას ვეღარ შეძლებს.
სახის ამოცნობის სისტემა პირველად 2015 წლის მარტში, Alibaba – ს ჯგუფის დამფუძნებელმა ჯეკ მა-მ წარადგინა, მას შემდეგ სისტემას სხვადასხვა სერვისებში იყენებენ, მათ შორის დეკლარაციების დროსაც.
“ეს საკმარისი არ არის და განვითარება აუცილებელია იმისთვის, რომ ნებისმიერ სერვისს მოერგოს, მაგალითად დიდი თანხის გადახდის შემთხვევაში, სისტემას ბანკის დონის დაცვა სჭირდება” – განაცხადა ჩენმა.
[:]
