ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის „შორეული აღმოსავლეთის რეგიონმცოდნეობის“ მიმართულება 2022 წლის 28-29 ოქტომბერს ატარებს საერთაშორისო სამეცნიერო კონფერენციას აღმოსავლეთ აზია ისტორიულ და თანამედროვე კონტექსტში, რომელიც ეძღვნება „შორეული აღმოსავლეთის რეგიონმცოდნეობის“ მიმართულების დაარსების 15 წლისთავის, საქართველოს იაპონიასთან და ჩინეთთან დიპლომატიური ურთიერთობების დამყარების 30 წლის იუბილეს.
კონფერენციის თემატიკა მოიცავს მოხსენებათა ფართო სპექტრს: შორეული აღმოსავლეთი და საქართველო, ისტორია, პოლიტიკა, განათლება, რელიგია, ენა და ლიტერატურა, ხელოვნება, საერთაშორისო ურთიერთობები, მასმედია, მეცნიერება და ტექნოლოგია, ეკონომიკა, კულტურა, არქიტექტურა და სოციალური საკითხები.
კონფერენციის დეტალები:
28 ოქტომბერი: კონფერენციის გახსნა – 10:30, თსუ 1 კორპუსი, აუდიტორია #202.
29 ოქტომბერი: თსუ მე-5 კორპუსი, აუდიტორია 306.