[:ka]
შემოდგომა კარს მოგვადგა თავისი ხავერდოვანი ფერებით და სასიამოვნო საღამოებით. მოვიდა დრო შევინახოთ მოსავალი და მოვემზადოთ ცივი ზამთრისთვის.
დასავლეთ ჩინეთის ცინგხაის პროვინციაში მცხოვრები ფერმერებისთვის, შემოდგომის დადგომა მხოლოდ თიბვას და მოსავლის აღებას არ უკავშირდება. აგვისტოს დადგომასთან ერთად, აქ, ცინგხაის პროვინციაში დიდი ზეიმი იწყება. ფერად – ფერადი დროშები, ტრადიციული ეთნიკური კოსტიუმები, სიმღერა, ცეკვა და წარმოდგენები ორი თვის მანძილზე გრძელდება.
ნატუნის ფესტივალი, რომელიც ყოველწლიურად აღინიშნება თუს ეთნიკური უმცირესობების მიერ, მთვარის კალენდრის მეშვიდე თვის მე – 12 დღესა და მეცხრე თვის მე -15 დღეს შორის იმართება. სწორედ ამიტომ, ნატუნის ყოველწლიური ფესტივალი მსოფლიოს ყველაზე გრძელ კარნავალად იწოდება, რომელიც 2 თვის მანძილზე გრძელდება.
თუს ეთნიკური უმცირესობების მოსავლის ფესტივალი 2006 წელს, ჩინეთის კულტურული მემკვიდრეობის ნუსხაში მოხვდა. კარნავალი არა მხოლოდ ადგილობრივი ფერმერების საყვარელი დღესასწაულია, არამედ ჰარმონიული საზოგადოების შექმნისა და შენარჩუნების საუკეთესო მაგალითია.
[:]
