[:ka]
ჩინელ გრეტა გარბოდ წოდებული ხუ ტიე 1920 – 30 – იანი წლების ჩინური კინოს კაშკაშა ვარსკვლავი იყო. ხუ დაიბადა 1907 წელს, ჩინეთის ქალაქ შანხაიში. ელეგანტურობისა და ბუნებრივი მოქმედებების სტილის გამო, ის ყველასგან გამოირჩეოდა. ჩინელი ქალის მენტალიტეტის შეცვლაში ხუმ დიდი როლი ითამაშა. ოთხი ათწლეულის განმავლობაში მსახიობმა 90 ფილმში ითამაშა. 1933 წელს ჩატარებულ საზოგადოებრივ გამოკითხვაში ლამაზმანმა ქვეყნის პირველი “კინოს დედოფლის” ტიტული დაიმსახურა. 60 წლის ხუ ტიე, სამსახიობო კარიერის დასრულების შემდეგ, საცხოვრებლად კანადაში გადავიდა. ტელეეკრანებიდან წასვლის შემდეგ, მაყურებელთა გულებში ის კვლავ სილამაზის ეტალონად და დამოუკიდებლობის სიმბოლოდ დარჩა.
თუ გადავხედავთ მსახიობის ფილმოგრაფიას, შევნიშნავთ, რომ მისი როლები მგრძნობიარე და სერიოზული იყო. ხუმ საქვეყნო აღიარება ჩინეთის პირველ ხმოვან ფილმში, Sing-song Girl Red Peony – ში მონაწილეობის შემდეგ მოიპოვა.
ხუ იყო იმ პირველკურსელთა შორის, რომლებიც 1924 წელს გახსნილ ჩინეთის სამსახიობო აკადემიაში სწავლობდნენ. რამდენიმე კომერციულად წარმატებული ფილმის წყალობით, ხუს გულშემატკივართა დიდი არმია ჰყავდა. მსახიობობის გარდა, მან ძალიან მალე მოიპოვა ნებართვა, გადაეღო ეროვნულ მოტივებზე აგებული ფილმები. მისმა საბრძოლო ხელოვნებაზე გადაღებულმა ფილმმა, სახელწოდებით “The Burning of the Red Lotus Temple”, სახალხო აღიარება მოუტანა საზოგადოებისათვის ისედაც კარგად ცნობილ მსახიობს.
