აპრილი17 , 2024
Travelყველაზე გრძელი შუშის ხიდი მსოფლიოში

ყველაზე გრძელი შუშის ხიდი მსოფლიოში

-

- Advertisment -spot_img

ყველაზე, ყველაზე – ამ სიტყვას ჩინეთში ძალიან ხშირად შეხვდებით. ჩინეთის დიდი კედლიდან დაწყებული, ქვეყანა უამრავ სფეროში მოწინავე პოზიციაზეა სტატუსით „ყველაზე“. მსოფლიოში ყველაზე დიდი ლეშანის ბუდა, მსოფლიოში ყველაზე მაღალი ბუდა ხენანში, ყველაზე დიდი სამარხი კომპლექსი სიანში… 

ახლახან პეკინის აეროპორტის მშენებლობა დასრულდა, რომელსაც მსოფლიოში ყველაზე დიდის სტატუსი მიენიჭა. 19 ყველაზე მაღალი ხიდიდან, 17 სწორედ ჩინეთში გვხვდება (და ისინიც პირველ ხუთეულში). მართალია, შანხაის ცათამბჯენი ყველაზე მაღალი შენობების ათეულში მეორე ადგილს იკავებს, მაგრამ ის მსოფლიოში ყველაზე სწრაფი ლიფტით არის აღჭურვილი. ჩამონათვალი უსასრულოდ შემიძლია გავაგრძელო.  ყველაზე დიდი: კომპანიები, სწრაფი მატარებლები, რობოტები და  კუნგფუ წარმოდგენები, მაგრამ ამჯერად მსოფლიოში ყველაზე გრძელ შუშის ხიდზე შევჩერდები. 

ბოლო ორი წელიწადია ჩინური სოციალური მედია ხუნგიაკუს (Hongyagu) ხიდის ფოტოებითა და ვიდეოებითაა გადაჭრელებული. 

488 მეტრის სიგრძის შუშის ხიდი, 2017 წელს შიძიაჭუანგი (Shijiazhuang), ხეპეის პროვინციაში გაიხსნა. ხეპეის მაღალმთიან ადგილას, 218 მეტრის სიმაღლეზე აგებული ხიდი, გულს ყველაზე უშიშარსაც კი აუჩქარებს. ხიდის ცენტრთან მიახლოებისას, ის მოძრაობას იწყებს, რაც შიშს გიორმაგებს. სცადეთ და ირგვლივ მიმოიხედეთ, იქაური ბუნება მართლაც თვალშისაცემია, მაგრამ ძნელია შუშაზე მდგომებმა ეს გააკეთოთ. ვიზიტორები ბახილების გარეშე არ დაიშვებიან. ხიდს ორი ათასზე მეტი ადამიანის დატევა შეუძლია, თუმცა ერთდროულად მხოლოდ 600 მათგანს უშვებენ. თუ ხვდებით, რომ გზას ვეღარ აგრძელებთ ან შიში გიპყრობთ, იქაური თანამშრომლები გაგიწევენ დახმარებას. უამრავი ტურისტი შუამდეც ვერ აღწევს და უკან ბრუნდება, ასე, რომ თუ თქვენი გამძლეობის გამოცდა გსურთ, ეს ამისთვის საუკეთესო ადგილია. 

ხუნგიაკუს შუშის ხიდამდე მისვლა ადვილი საქმე არ არის. ჩინურის არმცოდნე ტურისტებისთვის კი ეს კიდევ უფრო რთულდება. 

მაშ ასე, დავიწყოთ. პეკინიდან ხეპეის დედაქალაქ შიძიაჭუანგამდე 266 კმ-ია. ხეპეი ჩრდილოეთ ჩინეთის პროვინციაა. ე.წ ბულეთ თრეინი კი საუკეთესო გზაა. შიძიაჭუანგი ინდუსტრიული ქალაქია, აქედან ფინგშანამდე 77 კილომეტრია. გაითვალისწინეთ, რომ დანიშნულების ადგილები, სქრინები ან სასტუმროს ჯავშნები ჩინურ ენაზე იქონიეთ. შიძიაჭუანგის ავტობუსების ჩრდილოეთ სადგურიდან, ხუნგიაკუს მიმართულებით, შათლები დღეში ოთხჯერ გადის. ხიდი საღამოს 6 საათამდეა ღია, ბილეთის ფასი 300 იუანია. 

ხუნგიაკუს შუშის ხიდამდე მისასვლელად, ფინგშანის ტერიტორიის გავლა მოგიწევთ, რომელიც უძველეს დასახლებას წარმოადგენს. დღეს აქ სასტუმროს ტიპის სახლები და პატარა რესტორნებია თავმოყრილი. ყოველ დილით აქ ტრადიციული ჩინურ წარმოდგენები ეწყობა,  დაბნელებისას კი  ქალაქი ნამდვილ ზღაპრად იქცევა. ერთდროულად მთელი დასახლება ნათდება და თავი ჩინურ ლეგენდაში გგონიათ. გარშემო მთები ამ სანახაობას მეტ იდუმალებას მატებს. გირჩევთ,  ამ დასახლებაში დარჩენა წინასწარ დაგეგმოთ, რადგან ხუნგიაკუს შუშის ხიდამდე მისასვლელი გზა არც ისე მოკლეა. დაახლოებით ორი საათის სავალი ციცაბო კიბე და ხენანის პროვინციის ჰაერი, რომელიც მთელს ჩინეთში ყველაზე დაბინძურებულია, სახარბიელოდ არ ჟღერს, ამიტომ კარგად მოემზადეთ ამ დამღლელი, მაგრამ დაუვიწყარი თავგადასავლისთვის და როგორც ჩინელები გვირჩევენ, თბილი წყლის დალევა არ დაგავიწყდეთ. 

უახლესი სტატიები

ჩინეთის მთავრობის სტიპენდიები 2024

დაიწყო განაცხადების მიღება სასტიპენდიო პროგრამისთვის ჩინეთის სახალხო რესპუბლიკაში (2024-2025). პროგრამა ითვალისწინებს უმაღლესი განათლების საბაკალავრო, სამაგისტრო და სადოქტორო საფეხურებზე, ასევე მეცნიერ-...

ჩინური კულტურის დრაკონი

 დასავლური კულტურისგან განსხვავებით, ჩინურ კულტურაში დრაკონი მითიურ, სასიხარულო და უზენაეს არსებად ითვლება. ჩინურ მითოლოგიაში დრაკონებს უზღვავი ძალა და ენერგია...

ჩინეთის საელჩომ ჩინეთ-საქართველოს მეგობრობის საახალწლო მიღებას უმასპინძლა

ჩინეთის საელჩომ საქართველოში 20 დეკემბერს ჩინეთსა და საქართველოს შორის მჭიდრო კავშირების აღსანიშნავად საახალწლო მიღებას უმასპინძლა. ღონისძიებას 300-ზე მეტი სტუმარი...

ჩინეთის ეკონომიკური ზრდის პროგნოზები 2023 წლისთვის

საერთაშორისო სავალუტო ფონდმა (IMF) შეცვალა ჩინეთის ეკონომიკური ზრდის პროგნოზი 2023 წლისთვის. ოქტომბერში ეს მონაცემი 5 პროცენტი იყო, ნოემბერში კი...

„შუა დერეფანი“ ყურადღების ცენტრში

26-27 ოქტომბერს, თბილისში “აბრეშუმის გზის ფორუმი” მიმდინარეობს. ფორუმის ფარგლებში იმართება ათი თემატური პანელური სესია და პარალელური დისკუსიები საკვანძო სავაჭრო-ეკონომიკურ...

“თბილისის აბრეშუმის გზის ფორუმი” გაიხსნა

26 ოქტომბერს თბილისში “თბილისის აბრეშუმის გზის ფორუმი” გაიხსნა. გახსნის ცერემონია თბილისი ოპერისა და ბალეტის სახელმწიფო თეატრში მიმდინარეობს. ფორუმის გახსნით პანელში...

წაიკითხეთ მსგავსი
რეკომენდირებული სტატიები