[:ka]
დღეს ჩინეთში უამრავი დაცული ტერიტორია და ეროვნული პარკია. ასევე დიდია საპილოტე ეროვნულ პარკთა რაოდენობაც. ჩინეთმა ეროვნული პარკებისა და დაცული ტერიტორიების განვითარებისა და მართვისათვის გეგმა შეიმუშავა, რათა მომავალში პერკების ბუნებრივი სილამაზე და სიმდიდრე შეინარჩუნოს.
ამჟამად ქვეყანაში 10 საპილოტე ეროვნული პარკია, რომლებიც, სავარაუდოდ, უახლოეს წლებში ეროვნულ პარკებად გადაიქცევა.
1. სანძიანგიუენის ეროვნული პარკი
მდებარეობა: ჩრდილო – დასავლეთ ჩინეთი, ცინგხაის პროვინცია.
სანძიანგიუენის ეროვნული პარკი 10 საპილოტე ეროვნულ პარკთაგან ყველაზე დიდია. მისი ფართობი 123 100 კმ² – ია. სანძიანგიუენი ან უბრალოდ “სამი მდინარის წყარო” არის ადგილი სადაც, მდინარე იანგძი, ყვითელი და მდინარე ლანცანგი იღებს სათავეს. სანძიანგიუენის ეროვნული პარკს, წყალუხვობის გამო, “წყლის კოშკსაც” უცწოდებენ.
2. გიგანტური პანდის ეროვნული პარკი
მდებარეობა: ს’ჩუანი, განსუსა და შაანსის პროვინციები.
გიგანტური პანდის ეროვნული პარკი 27 000 კმ² – ზეა გადაჭიმული. ჩინეთში გიგანტური პანდის გავრცელების არეალები მიმოფანტულია. ცხოველთა საცდელი ეროვნული პარკი მათ გადანაწილებას შეუწყობს ხელს. ეს ნაბიჯი პანდების შეჯვარებასა და მათ გამრავლებას შეუწყობს ხელს.
3. ციმბირული ვეფხვის და ლეოპარდის ეროვნული პარკი
მდებარეობა: ჩრდილო – აღმოსავლეთ ჩინეთი ძილინისა და ხეილუნგძიანგის პროვინცია.
ციმბირული ველური ვეფხვი ერთ – ერთია იმ ცხოველთაგან, რომელსაც საფრთხე ემუქრება. მსოფლიოში ციმბირული ვეფხვის მხოლოდ 500 ინდივიდია დარჩენილი. ციმბირულ ვეფხვებთან ერთად გადაშენების პირასაა ციმბირული ლეოპარდიც. ასეთი სახეობის მხოლოდ 50 ცხოველია დედამიწაზე დარჩენილი. მათი უმრავლესობა ჩინეთის საზღვართან და რუსეთშია გავრცელებული.
4. შენნუნგძიას ეროვნული პარკი
მდებარეობა: ცენტრალური ჩინეთი, ხუპეის პროვინცია.
შენნუნგძია ხუპეის პროვინციის დასავლეთით მდებარეობს. ეს ადგილი შემოსაზღვრულია მთებითა, რომელთა დიდი ნაწილი ს’ჩუანის აუზის აღმოსავლეთით მდებარეობს. აქ მდებარე ყველა მთა კარსტული წარმოშობისაა.
5. ციენძიანგიუენის ეროვნული პარკი
ციენძიანგიუენი, მდინარე ციენთანგის წყარო, ტყის ფართო სპექტრითაა მდიდარი. ესაა გადაშენების საფრთხის წინაშე მყოფი ჩინეთში მცხოვრები იშვიათი ირემის საცხოვრებელი ადგილი. ფოჩებიანი ირემი ირმის პატარა სახეობაა, რომელიც შუბლს შავი ფერის თხელი ბეწვი უფარავს.
6. მთა ნანშანის ეროვნული პარკი
მდებარეობა: ცენტრალური ჩინეთი, ხუნანის პროვინცია.
პარკს 619 კმ² უჭირავს და ის თავისი ეკოსისტემით ძალიან ჰგავს ბუნების მუზეუმს. პარკში უხვადაა ტყეები, ტბები და ბიოლოგიური რესურსები. ეს ადგილი ათეულობით ათასობით მიგრირებადი ფრინველის გაჩერების ადგილია.
8. ჩინეთის დიდი კედლის ეროვნული პარკი
მდებარეობა: ჩრდილოეთ ჩინეთი.
ჩინეთის დიდი კედლის ეროვნული პარკი 10 საპილოტე ეროვნული პარკიდან ყველაზე პატარაა. მას მხოლოდ 60 კმ² უჭირავს და ერთადერთი ისტორიულ – რელიქტური ტიპის ეროვნული პარკია.
9. ფუტაცუოს ეროვნული პარკი
მდებარეობა: სამხრეთ-დასავლეთ ჩინეთი, იუნნანის პროვინცია.
მიუხედავად იმისა, რომ ფუტაცუოს ეროვნულ პარკს მხოლოდ ქვეყნის ტერიტორიის 0.7% უჭირავს, ეს ადგილი ფლორითა და ფაუნით ძალზედ მდიდარია. აქ, პარკის ტერიტორიაზე, ჩინეთის მცენარეთა სახეობის 20%, ძუძუმწოვრებისა და ფრინველების დაახლოებით ერთი – მესამედი და თითქმის 100 საფრთხის ქვეშ მყოფი სახეობაა წარმოდგენილი.
10. მთა ცილიენის ერივნული პარკი
მდებარეობა: ჩრდილო – დასავლეთ ჩინეთი, კანსუსა და ცინგხაის პროვინცია
ცილიენის მთები ზღვის დონიდან 4 000 – 6 000 მეტრზეა, ამიტომაც აქაურობა, წელიწადის უმეტეს დროს, თოვლის საფარითაა დაფარული. წელიწადის ოთხი თვე მკაფიოდ თითქმის არასდროს გამოიყოფა ერთმანეთისგან, ვინაიდან ივლისსა და აგვისტოში მთებზე ისევ თოვლი დევს. მთა ცილიენის ეროვნულ პარკში სიცივის მოყვარული ცხოველები ცხოვრობენ, რომელთა შორისაა თოვლის ლეოპარდი, თეთრი ირემი, ასევე გადაშემების პირას მყოფი სხვა ცხოველები და მცენარეები.
[:]
