[:ka]
ამერიკის მოქმედმა პრეზიდენტმა დონალდ ტრამპმა ჩინეთში პირველი სახელმწიფო ვიზიტი 8 ნოემბერს გამართა. ვიზიტის დროს ხელი მოეწერა რიგ ბიზნეს შეთანხმებებს.
ახლა კი კარგი იქნება, გადავხედოთ ამერიკის იმ პრეზიდენტებისა და პირველი ქალბატონების სიას, რომლებიც ორ ქვეყანას შორის უკეთესი ურთიერთობის ჩამოყალიბებისთვის ხშირად სტუმრობდნენ ჩინეთს.
რიჩარდ მილჰაუს ნიქსონი
1972 წლის თებერვალი
ამერიკის შეერთებული შტატების ყოფილმა პრეზიდენტმა რიჩარდ ნიქსონმა ჩინეთში სახელმწიფო ვიზიტი 1972 წელს გამართა. ვიზიტს მოჰყვა ჩინეთ-ამერიკის გაერთიანებული შანხაის კომუნიკე 1972 წლის 28 თებერვალს. ამ ისტორიულმა დოკუმენტმა საფუძველი ჩაუყარა ჩინეთ-ამერიკის ურთიერთობების განვითარებას. პეკინისა და შანხაის გარდა ნიქსონი ხანგჭოუსაც ეწვია.
![US presidents and first ladies who have visited China](https://i0.wp.com/www.chinadaily.com.cn/world/images/attachement/jpg/site1/20171106/484d7ec7b0121b6a04b002.jpg?resize=696%2C464)
ჯერალდ ფორდი
1975 წლის დეკემბერი
ამერიკის შეერთებული შტატების 38-ე პრეზიდენტი ჩინეთს 1975 წელს ეწვია. ვიზიზტისას მან განაცხადა, რომ ის ხელს შეუწყობს ამერიკასა და ჩინეთს შორის ურთიერთობების გამყარებას. პეკინში 5 დღიანი ვიზიტის ფარგლებში მან მოინახულა ჩინეთის დიდი კედელი, ზაფხულის სასახლე და ცის ტაძარი.
1984 წლის აპრილი-მაისი
ამერიკის შეერთებული შტატების მე-40 პრეზიდენტი რონალდ რეიგანი სახელმწიფო ვიზიტით ჩინეთს 1984 წელს ესტუმრა. იგი იყო ამერიკის პირველი პრეზიდენტი, რომელიც 1979 წელს ორ ქვეყანას დიპლომატიური ურთიერთობების დამყარების შემდეგ ეწვია ჩინეთს. რეიგანმა და მისმა ცოლმა ნენსი რეიგანმა მოინახულეს პეკინი, შანხაი და სიანი.
რონალდ რეიგანი და პირველი ლედი ნენსი რეიგანი ჩინეთის დიდი კედლის მონახულებისას, 1984 წლის 28 აპრილი [ფოტო/IC]
ბილ კლინტონი
1998 წლის ივნისი-ივლისი
ამერიკის შეერთებული შტატების 42-ე პრეზიდენტი ბილ კლინტონი ჩინეთს საქმიანი ვიზიტით 1998 წლის 25 ივნისიდან 3 ივლისამდე ესტუმრა. 9 დღიანი ვიზიზტის ფარგლებში ის ესტუმრა პეკინს, შანხაის, სიანსა და ჰონგ-კონგს. ვიზიტისას ადგილობრივ ჩინელ ხალხს ესაუბრა და ჩინეთის რეფორმებისა და პოლიტიკის დიდ ცვლილებებს გაეცნო.
2001 წლის ოქტომბერი, 2002 წლის თებერვალი, 2005 წლის ნოემბერი, 2008 წლის აგვისტო
ამერიკის შეერთებული შტატების ყოფილმა პრეზიდენტმა ჩინეთი ოთხჯერ მოინახულა 2001, 2002, 2005 და 2008 წლებში. ოფიციალური ვიზიტით ჩინეთს ის 2005 წელს ეწვია. ვიზიტის ფარგლებში ის მოლაპარაკებებს მართავდა ჩინეთის იმდროინდელ პრეზიდენტთან ხუ ძინთაოსთან. ქვეყნის მთავარმა პირებმა ჩინურ-ამერიკულ ურთიერთობებსა და საერთაშორისო საკითხებზე ისაუბრეს და შეთანხმდნენ, გაეძლიერებინათ ორმხრივი ნდობა ორ ქვეყანას შორის კონსტრუქციული და კოოპერაციული ურთიერთობების გატარების მიზნით.
2009 წლის ნოემბერი, 2014 წლის ნოემბერი, 2016 წლის სექტემბერი
ბარაკ ობამა ჩინეთს სახელმწიფო ვიზიტით პირველად 2009 წლის ნოემბერში ეწვია. ვიზიტის ფარგლებში ბარაკ ობამა ჩინეთის პრეზიდენტ ხუ ძინთაოს შეხვდა და უმნიშვნელოვანესი საერთაშორისო და რეგიონული საკითხები განიხილა. ვიზიტისას ორი ქვეყნის წარმომადგენელი შეთანხმდა, რომ ჩინეთისა და აშშ-ს გრძელვადიანი ურთიერთობებისთვის რეგულარული შეხვედრები და გამოცდილებათა გაცვლა მნიშვნელოვანია. პრეზიდენტობის პერიოდში ის ჩინეთს კიდევ 2014-2016 წლებში ეწვია.
![US presidents and first ladies who have visited China](https://i0.wp.com/www.chinadaily.com.cn/world/images/attachement/jpg/site1/20171106/484d7ec7b0121b6a083418.jpg?resize=696%2C464)
[:]