საფრანგეთის, იტალიის, უნგრეთის და რუსეთის მთავრობების მოწვევით, ჩინეთის კომუნისტური პარტიის ცენტრალური კომიტეტის პოლიტიკური ბიუროს წევრი და საგარეო ურთიერთობათა ცენტრალური კომისიის ოფისის თავმჯდომარე, ვანგ ი, ზემოხსენებულ ქვეყნებს 14-დან 22 თებერვლამდე ოფიციალური ვიზიტით ეწვევა.
ვანგ ი ასევე დაესწრება მიუნხენის უსაფრთხოების 59-ე კონფერენციას და სიტყვით გამოვა ჩინეთის სესიაზე, რათა გადმოსცეს საერთო, ყოვლისმომცველი, თანამშრომლობითი და მდგრადი უსაფრთხოების ხედვა, რომელსაც მხარს უჭერს პრეზიდენტი სი ძინფინგი. იგი გააჟღერებს ჩინეთის პოზიციას მთავარ გლობალურ საკითხებზე.