[:ka]
ჩინეთის მილიარდელები და წარმატებული მეწარმეები ჩინური ვარჯიშის სახეობას თაი ძი-ს აქტიურად ასრულებენ. ეროვნული ვარჯიში ან სამხედრო ხელოვნება, რომელიც ხასიათდება წრიული რიტმული მოძრაობებით, არამარტო პერსონალური სიძლიერის, არამედ ბიზნეს კომპანიების მოგების გაუმჯობესებას ეხმარება. ასევე აქვს შესაძლებლობა, გამოავლინოს ახალი პროდუქტები, სერვისები და შეცვალოს წარმოების კულტურა.
მაგალითად, კუო კუანგჩანგი, “ფოსუნ” (“Fosun” Group) გრუპის პრეზიდენტი და ჯეკ მა, “ალიბაბა”-ს დამფუძნებელი (Alibaba Group) არიან გამოჩენილი ადამიანები, თაი ძი-ს მიმდევრებს შორის და ისინი მის მიზანს შეისწავლიან.
![](https://i0.wp.com/sinomedia.ge/wp-content/uploads/2017/08/eca86bd9ddb41af1f02402-300x200.jpg?resize=457%2C304)
ელიტარული თაი ძი-ს კლუბები შედგება იმ ადამიანებისგან, რომლებსაც საკუთარი წარმატებული ბიზნესები აქვთ. ასეთი ადამიანები ჩინეთში მრავლად არიან. ჩინეთის კერძო პარკებში, აბრეშუმის თეთრ სამოსში გამოწყობილი ცნობილი მეწარმეები, ნელი და მშვიდი მოძრაობის შესრულებისას, შეიძლება შეამჩნიოთ.
ჯეკ მა-მ, მსოფლიოს უდიდესი ონლაინ გაყიდვების კომპანიის დამფუძნებელმა, თაი ძი ალიბაბას ორგანიზაციულ კულტურად აქცია, რომელიც კომპანიის თანამშრომელთა მომზადების ნაწილია.
2009 წელს ამერიკის იმჟამინდელმა პრეზიდენტმა, ბარაკ ობამამ, თავის მოხსენებაში, თაი ძი დაასახელა მსოფლიოში ერთ-ერთ საუკეთესო აერობიკულ ვარჯიშად.
![](https://i0.wp.com/sinomedia.ge/wp-content/uploads/2017/08/528356059-300x184.jpg?resize=480%2C295)
თაი ძი-ს ვარჯიშებს ხანში შესული ადამიანებიც ასრულებენ, როგორც დილის რიტუალს, რადგან აღიარებულია, რომ ის აბალანსებს ნეგატიურ და პოზიტიურ შინაგან ენერგიას. ამიტომ ეს ფილოსოფია უკვე მიღებულია, როგორც ერთ-ერთი მთავარი დამხმარე საშუალება ბიზნესის სარგებლის ზრდისთვის.
“სასიამოვნო ტრენდია, როდესაც გავლენის მქონე მეწარმეები თაი ძი-ს ვარჯიშობენ. ეს ვარჯიში პოზიტიურ როლს ასრულებს, რადგან ასტიმულირებს შინაგან სიმშვიდეს,” – განაცხადა ლი ლონგსინმა, ბრაზილიური სტარტაპის მფლობელმა პეკინში.
![](https://i0.wp.com/sinomedia.ge/wp-content/uploads/2017/08/main-393001551_ad66cd7185_o-300x146.jpg?resize=300%2C146)
კომერციალიზაციის შემდეგ, რამდენიმე წელიწადში, თაი ძი-მ შეიძინა მენეჯმენტის ტექნიკის სტატუსი, რომელიც შეძლებისდაგვარად ეხმარება ბიზნეს სარგებლის ზრდას.
ასევე, თაი ძი წარმოდგენილია, როგორც ტურიზმის ინდუსტრიის შემოსავლის დამხმარე წყარო. 2008 წლის პეკინის ოლიმპიური თამაშების შემდეგ, უცხოური კულტურის მკვლევრებისა და ტურისტების მხირდან ინტერესი კიდევ უფრო გაიზარდა.
“www.tripadvisor.com” – სამოგზაურო საინფორმაციო ვებ-გვერდზე ამერიკის შეერთებული შტატების ტურისტებმა გააზიარეს თავიანთი გამოცდილება და წარმოდგენები პეკინში თაი ძი-ს საწყის სესიებზე. ტურისტები აქტიურად აღნიშნავდნენ, რომ მასწავლებლები იჩენდნენ ინიციატივას, რომ აეხსნათ მათთვის თაი ძი-ს მნიშვნელობა და დადებითი მხარეები.
“ჩვენ გვიყვარდა ყოველი წუთი, ეს ძალიან სასიამოვნო გამოცდილებაა,” – განაცხადა ერთ-ერთმა მონაწილემ.
თაი ძი განსხვავდება საბრძოლო სპორტის ისეთი სახეობებისაგან, როგორებიცაა კინგ-ბოქსინგი, კუნ-ფუ და სხვა, რადგან ეს უკანასკნელნი უფრო მეტ სისწრაფესა და სიძლიერეს მოითხოვენ.
თაი ძი-ს მიმდევრები მიიჩნევენ, რომ ვარჯიშებს სტრესის მოხსნა და სიმშვიდის შენარჩუნება შეუძლია. ალიბაბას დამფუძნებელის განცხადებით, შინაგანი ენერგიის ბალანსირების თეორია, კომპანიის მმართველობის თეორიის მსგავსია. ამასთან, მართვის უნარები “თაოიზმისგან” განავითარა, ხელმძღვანელობის გამოცდილება – “კონფუციანელობისგან”, ინსპირაცია რომ იცხოვროს ნორმალური ცხოვრებით -ბუდიზმისგან, თაი ძი კი ამ ცალკეულ ნაწილებს აერთიანებს.
“Fosun”-ის ჯგუფის პრეზიდენტი კუო, ერთ-ერთი ჩინელი მილიარდელი, ასევე დადებითად არის განწყობილი თაი ძი-ს მიმართ.
“ის არ მოითხოვს დიდ ადგილს და აღჭურვილობებს როგორც გოლფი, ის უფრო სიცოცხლისუნარიანი ვარჯიშია, მე მუდამ გაღიზიანებული ვიყავი ჩემს ჯგუფზე, ჩვენ გვაქვს ეს სიბრაზე და აუცილებელია მისი დარეგულირება და დამშვიდება,” – განაცხადა კუომ.
![](https://i0.wp.com/sinomedia.ge/wp-content/uploads/2017/08/taichi-park-300x169.jpg?resize=300%2C169)
ცნობილი ჩინელი მსახიობი ჯეტ ლი: “თაი ძი ჩემთვის საუკეთესო საშუალებაა, რომ გამოვხატო ჩემი მადლიერება და გადავცე ის წინამორბედებს, მასწავლებლებსა და მთლიანად მსოფლიოს”.
”დასავლური მენეჯმენტის სისტემის გადმოღება არ არის საკმარისი მეწარმეობის წამოწყებისთვის ჩინეთში, მას სჭირდება აღმოსავლური კულტურის ღრმა ფესვების დახმარება, ეს არის იმის მიზეზი რატომაც შევქმენით თაი ძის სკოლა,” – განაცხადა ალიბაბას დამფუძნებელმა ჯეკ მამ.
ლინ შუიანმა, შანხაის უნივერსიტეტის ეკონომიკისა და ფინანსების ფაკულტეტის სტუდენტმა, განაცხადა: “თაი ძის შეუძლია ადამიანების დამშვიდება და ის არ არის რთული ასათვისებლად, არ არის ლიმიტები ადგილისა და დროის თვალსაზრისით. მე ვფიქრობ, რომ თაი ძი ეხმარება ადამიანებს, მათ შორის მეწარმეებს, შეინარჩუნონ ჯანმრთელობა და ისწავლონ ცხოვრების ღირებულებები”.
ჩინური საბრძოლო ხელოვნება მსოფლიოში ცნობილია. “მეი ცუენ” თაი ძის აკადემიას, ლონდონში დაარსებული თაი ძის კლუბს, ახლა 48 ფილიალი აქვს, რომელიც ასევე ავსტრალიაში, იაპონიაში, ამერიკის შეერთებულ შტატებსა და ევროპის სხვადასხვა ქვეყანაში აქვს წარმომადგენლობა.
[:]