![64006a47a7541ad456a808](https://i0.wp.com/sinomedia.ge/wp-content/uploads/2017/07/64006a47a7541ad456a808.jpg?resize=600%2C410&ssl=1)
[:ka]პეკინში გამართულ ეროვნულ ფინანსურ სამუშაო კონფერენციაზე (National Financial Work Conference), ჩინეთის პრეზიდენტი სი ძინფინგი სიტყვით გამოვიდა. თავის გამოსვლაში, პრეზიდენტმა ფინანსურ სექტორს ეკონომიკის უკეთ მომსახურებისაკენ მოუწოდა.
სიმ განაცხადა, რომ ფინანსური სექტორის ვალდებულება და მთავარი ამოცანა ეკონომიკის სამსახურში ყოფნაა. სწორედ ეს არის ფინანსური რისკების თავიდან აცილების ფუნდამენტური გზა. ფინანსურმა სექტორმა უნდა გააუმჯობესოს მომსახურების ეფექტურობა და ხარისხი, ასევე უნდა შექმნას უფრო მეტი რესურსი მსხვილი და მცირე ეკონომიკის განვითარებისთვის.
პირდაპირი დაფინანსების გაუმჯობესება პრიორიტეტული იქნება, ხოლო ირიბი დაფინანსების სტრუქტურა უნდა მიემართოს სახელმწიფო ბანკების, აგრეთვე მცირე და საშუალო ზომის ბანკებისა და კერძო საფინანსო ინსტიტუტების განვითარებისკენ, განაცხადა ჩინეთის პრეზიდენტმა. რაც შეეხება მცირე და საშუალო ზომის საწარმოებს, მათ მხარდასაჭერად შემუშავდება ინკლუზიური დაფინანსების მექანიზმი.
სიმ ფინანსურ ინსტირუტებს საოპერაციო ხარჯების შემცირებისკენაც მოუწოდა და დასძინა, რომ ეკონომიკის დაფინანსების ხარჯების შემცირება შუამავლობით არის შესაძლებელი.
როგორც ცნობილია, ეროვნული ფინანსური სამუშაო კონფერენცია ოფიციალურად შაბათს, 15 ივლისს დასრულდა. კონფერენცია, პეკინში, 1997 წლიდან ყოველ ხუთ წელიწადში ერთხელ იმართება. განხილვის მთავარ თემას კი ფინანსური რეფორმები წარმოადგენს.[:]