![Ireland Vice President Xi Jinping Visit](https://i0.wp.com/sinomedia.ge/wp-content/uploads/2017/06/IMG_6958.jpg?resize=600%2C861&ssl=1)
[:ka]
ჩინეთის პრეზიდენტი, სი ძინფინგი ოთხშაბათს, პეკინში ფიფას პრეზიდენტს ჯანი ინფანტინოს შეხვდება.
როგორც მედიისთვის გახდა ცნობილი, მსოფლიოს საფეხბურთო პრეზიდენტთან შეხვედრა საზოგადოების დიდ დარბაზში გაიმართება.
მედიის წარმომადგენლებთან საუბრისას, საგარეო საქმეთა სამინისტროს ოფიციალურმა წარმომადგენელმა, ლუ ქანგმა ისაუბრა შეხვედრაზე და განაცხადა, რომ მას იმედი აქვს ეს შეხვედრა დადებითად იმოქმედებს მხარეებზე და გააძლიერებს კავშირს საერთაშორისო ორგანიზაციებთან. ასევე მან იმედი გამოთქვა, რომ ერთ დღესაც ჩინეთი გახდება მსოფლიო ჩემპიონი ფეხბურთში.
“ვფიქრობთ, რომ ჩვენ შეგვიძლია გავაძლიეროთ თანამშრომლობა საერთაშორისო ორგანიზაციებთან, მათ შორის ფიფასთან, და მსოფლიოს სხვა ქვეყნებთან”-განაცხადა, ლუ ქანგმა.
სიმ გამოთქვა სურვილი, რომ მომავალში ჩინეთმა უმასპინძლოს მსოფლიო ჩემპიონატს ფეხბურთში და ასევე დასძინა, რომ ჩინეთის ეროვნულ გუნდს აქვს მომავალში გამარჯვების შანსი და შეუძლია მოიპოვოს სპორტის ყველაზე პრესტიჟული ჯილდო, ფიფას თასი.
2018 წელს, ფიფა-ს მსოფლიო თასის 21-ე გათამაშებას რუსეთი უმასპინძლებს. ამჟამად ჩინეთის საფეხბურთო ნაკრები ფიფას რეიტინგში 82-ე ადგილს იკავებს ბენინისა და ფარერის კუნძულების შემდეგ.
ჩინეთი მხოლოდ 2002 წელს გამოჩნდა მსოფლიო თასზე, სადაც მან წარუმატებლად დაასრულა ასპარეზი. გუნდი დამარცხდა სამივე ჯგუფურ მატჩში.
[:]