[:ka]
ჩინეთის მთავრობა სკოლებში ტრადიციული ოპერის პოპულარიზაციას შეუწყობს ხელს.
განათლებისა და ფინანსთა სამინისტროს ერთობლივი განცხადებით, 2018 წლისთვის სკოლებსა და უნივერსიტეტებში მოსწავლეებს საშუალება მიეცემათ ტრადიციული ოპერა უფასოდ იხილონ. 2020 წლისთვის მოსწავლეები ვიზუალურ ხილვასთან ერთად აღნიშნულ საკითხზე წიგნებითაც მიიღებენ ინფორმაციას.
ჩინეთის მთავრობის მორიგი პროექტი სკოლებში ტრადიციული საოპერო ჯგუფების შექმნასაც შეუწყობს ხელს.
დღესდღეობით ჩინეთში ასობით ოპერის თეატრი ფუნქციონირებს, რომელთა შორის ყველაზე ცნობილია პეკინის ოპერა. პეკინის ოპერა იუნესკოს არამატერიალური კულტურული მემკვიდრეობის სიაშია.
პეკინის ოპერა ტრადიციული ჩინური თეატრის ფორმაა, რომელიც აერთიანებს მუსიკას, ვოკალურ შესრულებას, პანტომიმას, ცეკვას და აკრობატიკას. ოპერა ჩამოყალიბდა XVIII საუკუნეში, XIX საუკუნეში კი საქვეყნოდ გახდა აღიარებული. ტრადიციული ჩინური თეატრი განსაკუთრებით პოპულარული იყო დინასტიათა კარზე და დღეს ის ჩინეთის ერთ-ერთ კულტურულ ღირსშესანიშნაობად ითვლება.
![beijing opera-ის სურათის შედეგი](https://i0.wp.com/orig08.deviantart.net/f4f4/f/2007/224/a/a/beijing_opera_by_rabbitblanca.jpg?resize=696%2C522)
[:]