![d8cb8a14fbeb1aada82801](https://i0.wp.com/sinomedia.ge/wp-content/uploads/2017/06/d8cb8a14fbeb1aada82801.jpg?resize=600%2C400&ssl=1)
[:ka]
ჩინეთის ცენტრალური რეგიონი, ქალაქები ჭენგჭოუ და ხეფეი, მალე გაფართოვდება. “ერთი სარტყელი, ერთი გზა” ინიციატივისათვის ძირითადი სატრანსპორტო კვანძის შექმნის მიზნით, აღნიშნულ ტერიტორიაზე დაგეგმილია მაღალსიჩქარიანი სარკინიგზო მაგისტრალის გაუმჯობესება. ამგვარად ქალაქები ჭენგჭოუ და ხეფეი დაუკავშირდება აღმოსავლეთ და დასავლეთ ჩინეთის უფრო მეტ ქალაქს.
პროექტის ფარგლებში იგეგმება სატვირთო სარკინიგზო ხაზების მშენებლობაც. ამგვარად კი ცენტრალური ჩინეთის ქალაქები დაუკავშირდება აღმოსავლეთ ჩინეთის ძიანგსუს პროვინციის სანაპირო რეგიონებს.
სატრანსპორტო ინფრასტრუქტურის დასრულების შემდეგ, ცენტრალური რეგიონი მჭიდროდ დაუკავშირდება ჩინეთის აღმოსავლეთ სანაპირო ქალაქებსა და დასავლეთით მდებარე ქალაქებს, რომელთა საშუალებითაც ის, ამავდროულად, კავშირს დაამყარებს “ერთი სარტყელი, ერთი გზის” ინიციატივის საერთაშორისო ქალაქებთან, კერძოდ, ლუქსემბურგთან და ფრანკფურტთან.
“ეს ნაბიჯები არა მარტო რეგიონის ეკონომიკურ ზრდისთვის იქნება მნიშვნელოვანი, არამედ იგი ხელს შეუწყობს ერთი სარტყელი, ერთი გზის ინიციატივის განვითარებასაც”, განაცხადა ჩინეთის ბანკის საერთაშორისო საფინანსო ინსტიტუტთან მომუშავე მეცნიერ-თანამშრომელმა კაო იუვეიმ.
[:]