![b083fe96faac1aea17ad1a](https://i0.wp.com/sinomedia.ge/wp-content/uploads/2017/08/b083fe96faac1aea17ad1a.jpg?resize=400%2C600&ssl=1)
[:ka]ს’ჩუანის პროვინციის დედაქალაქი ჩენგტუ 2018 წლის აპრილში, პირველ საერთაშორისო თანამედროვე ხელოვნების ნიმუშების გამოფენა-გაყიდვას გამართავს, სახელწოდებით “ჩენგტუს ხელოვნება”. აღნიშნული ღონისძიება ჩინელების მიერ იქნება ორგანიზებული.
საერთაშორისო ხელოვნების გამოფენა-გაყიდვა, დაიწყება 28 აპრილს და 2 მაისამდე გასტანს. ღონისძიებაში 30-მდე გალერეა ჩაერთვება, რომელთგან 10 უცხოური იქნება. „ჩენგტუს ხელოვნება მცირე ზომის იქნება (თავდაპირველად), მაგრამ ვიმედოვნებთ, რომ მოვიზიდავთ ახალგაზრდა კოლექციონერებსა და ხელოვნების მოყვარულებს,” – განაცხადა ღონისძიების თანადამფუძნებელმა ხუანგ წაიმ.
ღონისძიების ჩატარების იდეა, ხუანგ იუს დაებადა მას შემდეგ, რაც მან გამართა თანამედროვე ჩინური ხელოვნების ნიმუშების ჩვენება, რომელშიც წარმოდგენილი იყო 66 მხატვრის ნამუშევარი. ხუანგ იუ დაიბადა 1980 წელს და ის ახალგაზრდა ჩინელ კოლექციონერად არის ცნობილი. 2016 წელს მას „წლის კოლექციონერის“ ჯილდო გადაეცა. მისი თქმით ს’ჩუანის პროვინციის დედაქალაქი ჩენგტუ მდიდარია თავისი კულტურითა და ისტორიით. სწორედ ამიტომ გადაწყვიტა მან პარტნიორ ხუანგ წაისთან ერთად მსგავსი ღონისძიების გამართვა. ღონისძიების კიდევ ერთი მიზანი, ახალგაზრდა ხელოვნების მოყვარულთათვის თანამედროვე ხელოვნების გაცნობაა.[:]