[:ka]
ლუდი, წარმოდგენები, მრავალფეროვანი საწარმოო ხაზი, კულტურული ღონისძიებები და გასართობი შოუები ცინგტაოს რიგით 28-ე ლუდის საერთაშორისო ფესტივალის შემადგენელი ნაწილია. ფესტივალმა სტარტი 20 ივლისს აიღო.
ცინგტაოს ლუდის ყოველწლიური ფესტივალი აზიის მასშტაბით ყველაზე დიდი ღონისძიებაა, რომელიც წელს 38 დღე გაგრძელდება და საზეიმოდ 26 აგვისტოს დაიხურება.
ფესტივალისთვის წინასწარ შეირჩა 6 ძირითადი ლოკაცია ქალაქის სხვადასხვა უბანში. ქალაქის დასავლეთ სანაპირო და ლოშანის უბანი ის ადგილებია, სადაც ფესტივალმა პირველ სტუმრებს უმასპინძლა.
![](https://i0.wp.com/sinomedia.ge/wp-content/uploads/2018/07/5b55387da310796d8b4d03e7.jpeg?resize=696%2C452&ssl=1)
თანამედროვე ქალაქი
სანაპიროსთან და ზღვასთან ახლოს აშენდა თანამედროვე ტექნოლოგიებით აღჭურვილი ახალი ობიეტები. ფესტივალი გადაჭიმულია 800 000 კვადრატულ მეტრზე. ასეთი ფართო მასშტაბების გამო ღონისძიება მსოფლიოში ერთ – ერთი უმსხვილესი ლუდის საერთაშორისო ფესტივალია.
სპექტაკლები და მხატვრული გამოფენები 38 დღიანი ღონისძიების ყოველი დღის განრიგშია, ისევე როგორც კონცერტები, ცირკის ეგზოტიკური წარმოდგენები და გრანდიოზული ფეირვერკები დღის დასასრულს.
ღონისძიების ორგანიზატორების განცხადებით, წელს ფესტივალზე 1 300 – ზე მეტი სახეობის ლუდია წარმოდგენილი, მსოფლიოს 30 ქალაქიდან. SCO – ის სამიტის წარმატებით ჩატარების აღსანიშნად, წლევანდელი ღონისძიების მთავარ თემად: “SCO beer festival” შეირჩა.
ცინგტაოს ლუდის საერთაშორისო ფესტივალი პირველად 1991 წელს გაიმართა. მას შემდეგ ზღვისპირა ქალაქში ღონისძიება ყოველწლიურად იმართება და უამრავ ტურისტს მასპინძლობს. ზემოთ აღნიშნული ლუდის ფესტივალი სანაპირო ქალაქის მთავარ დღესასწაულად იქცა, რომელიც ქალაქის მასშტაბებს კარგა ხანია გასცდა და მთელს მსოფლიოსში მოიპოვა პოპულარობა.